1 Yọọn 3:6 - Ñwed Abasi Ke Ikọ Ibibio Ayo Mfịn

⁶ Awo a-adʌññọ ke anye ikaaha iso inam idiọọk ñkpọ. Awo ake adodo a-akaaha iso anam idiọọkñkpọ ikịtte anye; inyʌññọ idiọọñọ anye.

1 Yọọn 3:6 ပူးပေါင်းရင်းမြစ်များ

2 Kọrint 3:18

Ado afịd ñnyịn imidat iso awo miifʌkkọ ñkpọ imʌm Abọọñ ikama, naña ukịdiso amʌm ñkpọ; ntodo ke ñnyịn ikpəghọ idem ikappa inie mbid amọ, idian ubọọñ ke ubọọñ ami atooho Abọọñ, a-adooho Sịbidịd.

2 Kọrint 4:6

Sia Abasi akenọọhọ uyo ate, “Yak unwana ayama ke akịm,” amaanam unwana amọ ayama ke esịd ñnyịn ma anye anwaña awo anyen adidiọọñọ ubọọñ Abasi ke iso Yisọs Krais.

1 Yọọn 2:28

Idahami, ndima nditọ, ekaiso edʌñ ke anye, ma ke ini a-anye adiyaara idem amọ, ñnyịn ikan ida ke uko; idiinyʌññọ ikop abuud ke ini anye adidi.

1 Yọọn 2:3

Ñnyịn inie ifiọk ke imidiọọñọ Krais adieke ñnyịn inịmme mme ibed amọ.

1 Yọọn 2:4

Awo ake adodo abooho, “Ami mmediọọñọ anye,” ado inamma se anye abo enam, ado asʌhọ nsu; ndin akpanikọ ibaaha ke idem amọ.

1 Yọọn 3:2

Ndima mme ufan, ñnyịn ido nditọ Abasi; ado Abasi iyaarake dion inọ ñnyịn se ñnyịn idiido. Se ñnyịn idiọọñọ ado ke Krais amaadi, ñnyịn iyaitie nte anye; iyainyʌñ ikịt naña anye aba.

1 Yọọn 3:9

Awo a-Abasi abonno idiikaaha iso inam idiọọk ñkpọ, sia ñkpasi Abasi mmọdo adʌñ anye ke idem; anye inyʌññọ ikan ikaiso inam idiọọkñkpọ, sia ato ke Abasi, anye a-amana ufa.

1 Yọọn 4:8

Awo ake mmiinieeghe ima idiọọñọke Abasi, sia Abasi ado ima.

1 Yọọn 5:18

Ñnyịn imidiọọñọ ke awo ake adodo a-Abasi abonno ikemeke adika iso ke idiọọkñkpọ; Ayịn Abasi adooho Ete akebon, ado Andikpeme anye, ndin setan ikemeke adinam anye idiọọkñkpọ.

3 Yọọn 1:11

Adima ufan, kuukeene udʌk usʌñ idiọọk ado keene se ido eti. Awo a-anamma se ifọn ato Abasi. Anam ndiọi idiọọñọke Abasi.