1 Yọọn 3:4 - Ñwed Abasi Ke Ikọ Ibibio Ayo Mfịn

⁴ Awo a-anamma idiọọk ñkpọ abiad ibed, ke akpanikọ, sia idiọọkñkpọ ado edibiad ibed.

1 Yọọn 3:4 ပူးပေါင်းရင်းမြစ်များ

Matiu 5:19

Ke ntodo, awo ake adodo ake adibiad ñkpọkọm ata andisịb ñkan ke atu mme ibed ami me adinam nọ mme awo mfen ekeene ebiad mme ibed ami, eyaedat awo ado nte ata usuuhọ ñkan ke abio ubọọñ Abasi. Ado awo a-anịmme mme ibed ami anyʌñ akpeeb mme awo mfen abaña ammọ eyaedịppe anye itie ke abio ubọọñ Abasi.

Utom 23:3

Bọọd amaabo anye ate, “Abasi ayaaumia fiin, afo a-adooho a-adooho udedeppe idibene! Afo atie do adikpe ikpe innọ miin ke ido ibed, ado afo abiad ibed ke adinọ uyo abo yak emmia miin!”

Ñwed Mbon Rum 3:20

Ke ntak ado awo ndomokeed idooho adinen ke iso Abasi ke adinịm ibed; utu ke ado, ato ke ibed ñnyịn idiọọñọ idiọọkñkpọ.

Ñwed Mbon Rum 4:15

Sia ibed adat ifiopesịd adi. Ndin, itie i-ibed mmiibaaha ndudue ñko ibaaha.

2 Kọrint 12:21

Mmenie ndịk ke mmaatịmme ndi Abasi mmi ayansụụk idem ke iso ndufo, ndin ñyaakop mfʌghọ mbaña uwak awo e-ekenaññake mme ndiọiñkpọ ke ini a-akeboiyoke ado ikappake esịd inyʌññọ itua ñkpọfiọk, ikpọñ mbubiam ido ammọ ye use ye adinam ñkpọ ye unana mfadidem.

Yemsi 5:15

Ndin akam e-ebọññọ ke mbuọdidem ayaanam idem asọñ adọñọ udọñọ; Abọọñ ayaabenne anye ke enyọñ. Akpedo anye anam idiọọkñkpọ, eyaefeen enọ anye.

1 Yọọn 5:17

Afịd ndudue ado idiọọkñkpọ, ado aba idiọọkñkpọ a-ammiidooho idiọọkñkpọ a-asuuhọ ke ñkpa.