1 Yọọn 3:23 - Ñwed Abasi Ke Ikọ Ibibio Ayo Mfịn

²³ Ami ado ibed amọ: edinịm ke anyịñ Ayịn amọ, Yisọs Krais, inyʌñ ima keed aken naña ewʌhọ amọ akitemme ñnyịn.

1 Yọọn 3:23 ပူးပေါင်းရင်းမြစ်များ

Matiu 22:39

Ayọhọ iba abit akpa ami: ‘Ma mbọhọidʌñ mfo nte idem mfo.’

Maak 9:7

Ndin ntọñanyọñ amaawuọ adifʌk ammọ, uyo anyʌñ ato ke ntọñanyọñ ami ate, “Ami ado Ayịn mmi, a-ami mmaaha. Ikop uyo amọ.”

Yọọn 1:12

Ado afịd mbon e-ekedaarake anye, mbon e-ekenịmme anyịñ amọ ke akpanikọ, anye amaanọ ammọ ayọhọ unen adikappa ndo nditọ Abasi,

Yọọn 13:34

“Ufa ewʌhọ ke ami inọ ndufo: idumakka idem ndufo. Kpa naña ami ima ndufo, ana ndufo edumakka keed eken.

Yọọn 14:1

“Ikiiyak esịd ndufo atịmede. Ndufo emenịm Abasi ke akpanikọ; innịm miin ñko ke akpanikọ.

Yọọn 15:12

Ibed mmi ado ami: ima keed aken naña ami ima ndufo.

Yọọn 17:3

Idahami ami ado nsi-nsi uwem: ma ammọ udiọọñọ fiin, ukweeñe-ukweeñe Abasi akpanikọ, ye Yisọs Krais a-afo akenọọhọ adi.

Yọọn 2:23

Ke ini anye akebaaha ke Yerusedem ke ntak Usọrọ Basofa, uwak awo emaenịm anye ke akpanikọ ke ini ammọ ekekịtte mme utịbe idiọọñọ se anye akenam.

Yọọn 3:18

Awo ake adodo anịmme anye ke akpanikọ, awo idiibiommo anye ikpe, ado awo ake adodo a-mmiinịmme anye ke akpanikọ, ekap ebobiom anye ikpe, sia anye inịmme ke anyịñ ukweeñe Ayịn keed a-Abasi anieeghe ke akpanikọ.

Yọọn 6:29

Yisọs amaabo ammọ, “Utom Abasi ado ami: adinịm anye a-anye adọññọ ke akpanikọ.”

Utom 16:31

Ammọ emaebọọrọ ete, “Nịm Abọọñ Yisọs ke akpanikọ, ndin eyaunyaaña fiin, afo ye afịd ufọk mfo.”

Efisọs 5:2

inyʌñ idu uwem ima, kpa nte Krais akimaaha ñnyịn, a-akenyʌññọ ayak idem amọ inọ ñnyịn nte inem ufịk enọ ye uwa anọ Abasi.

1 Tesadonia 4:9

Idahami, ke abaña ima nditọete, ñnyịn inieeghe adiwet inọ ndufo, sia ndufo ke idem ndufo emaekpeeb eto Abasi adima keed aken.

1 Timoti 1:15

Ikọ ami ado ata akpanikọ, anyʌñ adod ñnyịn adinyịmme ke afịd esịd ite ke Krais Yisọs akedi ederimbod adinyaaña ndiọi awo, a-ami ndooho etubom ke atu ado.

1 Bita 1:22

Idahami, sia ndufo emaekenam idem ndufo asana ke adisuuk iwuod nnọọ akpanikọ nọ ndufo ekan enie ata ima enọ nditọete ndufo, ema keed aken ye ntotəño ima a-atooho ke esịd.

1 Bita 4:8

Akaakan afịd ñkpọ, enie ntọtəñọ ima ke ufọọd idem ndufo, sia ima afʌk uwak idiọọkñkpọ.

1 Yọọn 2:7

Mme ndima ufan, idooho ufa ibed ke ñwet inọ ndufo, ado kpa akaan ibed a-ndufo emadiọdiọọñọ tọọñọ ke editọọñọ.

1 Yọọn 3:11

Sia ami ado etop a-ndufo ekebọọhọ tọọñọ ke editọọñọ: Akpena ñnyịn ima emọ-emọ.

1 Yọọn 4:15

Awo ake adodo a-anyịmmeke abo ke Yisọs ado Ayịn Abasi, Abasi adʌñ ke idem amọ; anye anyʌñ adʌñ ke Abasi.

1 Yọọn 4:21

Ndin anye inọọ ñnyịn ibed ami: Awo ake adodo a-amaaha Abasi, ana anye ama ayịnete amọ ñko.

1 Yọọn 5:13

Ñwet ami inọ ndufo e-enịmme Ayịn Abasi ke akpanikọ ma ndufo ediọọñọ ke mmimọ iminie nsi-nsi uwem.