1 Yọọn 3:22 - Ñwed Abasi Ke Ikọ Ibibio Ayo Mfịn

²² inyʌñ ibọ ñkpọ ake adodo a-ñnyịn ibeeñeke anye, sia ñnyịn iminịm mme ibed amọ, inyʌñ inam ñkpọ se inem anye esịd.

1 Yọọn 3:22 ပူးပေါင်းရင်းမြစ်များ

Matiu 17:5

Ke ini anye asʌkkọ atañ ntom, nyamma-nyamma ntọñanyọñ adifʌk ammọ akanna; ndin uyo ato ntọñanyọñ ami ate, “Anye ami ado Ayịn mmi a-mmaaha, nnyʌñ nnem esịd ye anye. Ikpañ utọñ inọ anye.”

Matiu 21:22

Adieke enieeghe mbuọdidem eyaebọ se ndufo ebọñ akam eyem.”

Maak 11:24

Ke ntodo, idọkkọ ndufo, se adodo a-ndufo ebeeñeke akam, inịm ke akpanikọ ke emebọ, ndin eyaebọ se ndufo ebeeñe ado.

Yọọn 14:13

Se idodo a-ndufo ebeeñeke ke anyịñ mmi ñyaanam, ma Ete abọ itooro ato ke Ayịn.

Yọọn 15:10

Ndufo ekpenịm ibed mmi, eyaedʌñ ke ima mmi, kpa naña ami nnịm ibed Ete mmi ñnyʌñ mba ke ima amọ.

Yọọn 15:7

Ndufo ekpedʌñ ke ami ndin ikọ mmi isịne ndufo ke idem, ibịp se eyeyem ke eyainọ ndufo.

Yọọn 6:29

Yisọs amaabo ammọ, “Utom Abasi ado ami: adinịm anye a-anye adọññọ ke akpanikọ.”

Yọọn 8:29

Anye a-akendọññọ ndi mmọdo ye ami, anye inyʌññọ insaana miin iyaak ikpọọñ, sia afịd ini ami nsie nam se inem anye esịd.”

Yọọn 9:31

Ñnyịn imidiọọñọ ke Abasi isikpañña utọñ inọ mme anam idiọọkñkpọ. Abasi akpañ utọñ anọ mbon etʌmmọ ekpono anye enyʌñ enam uduak amọ.

Utom 17:30

Ke ayo mkpọñ ako Abasi amaafeen anọ ammọ ke unana adidiọọñọ, ado idahami anye anọ iwuuk ate afịd awo ke afịd itie ekappa esịd.

Utom 20:21

Mmekwọrọ nnọ mme Yuu ye mme Krik mbo yak ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.

Fidibai 4:18

Ami mmebọ afịd-afịd se akena eñkpe mme se ikakan ado, ennọ miin ñkpọ mfọn-mfọn, akpan-akpan idahami a-adooho mmaakebọi nto Epafrọditus mme enọ a-ndufo ekenọọhọ eñsọk. Ammọ edoñño mme enem ufịk enọ, uwa a-adotto, a-anemme Abasi esịd.

Kodosi 1:10

Ndin ñnyịn ibọñ akam ami nọ ato do ndufo edu uwem a-adotto ke Abọọñ anyʌñ anem anye esịd ke afịd usʌñ: enwịm mfịd ke afịd nti utom, ekọọd ke ifiọk Abasi,

Ibru 13:21

ibana ndufo idem ye afịd nti ñkpọ nọ ndufo enam uduak amọ, ñko yak anye anam ke idem ñnyịn ñkpọ a-anemme anye esịd, ato ke Yisọs Krais, a-anieeghe ubọọñ ke nsi-nsi, nsi-nsi. Amen.

Yemsi 1:5

Adieke awo ke atu ndufo ndomokeed ananake ifiọk akpena anye abịp Abasi, a-anọọhọ afịd awo ke ntadubọk, ikịtte ndudue ndomokeed, ndin ayaanọ enye.

Yemsi 4:3

Ke ini ndufo ebịppe, ndufo ibọọhọ, sia ndufo ebịp mme idiọọk ntak, nọ ebiad se ndufo enie ke udọñ abʌkidem ndufo.

Yemsi 5:16

Ke ntodo, eyaara idiọọkñkpọ ndufo enọ keed aken enyʌñ ebọñ akam enọ keed aken nọ atoodo ekọk ndufo udọñọ. Akam adinen awo asọñ adudu anyʌñ anam ñkpọ.

1 Yọọn 2:3

Ñnyịn inie ifiọk ke imidiọọñọ Krais adieke ñnyịn inịmme mme ibed amọ.

1 Yọọn 5:14

Ami ado nsọọñọidem a-ñnyịn inieeghe edisaña ñkpere Abasi: ke adieke ñnyịn ibeeñeke ñkpọ ake adodo anyʌñ akekem ye uduak amọ, anye a-akop.