1 Yọọn 3:17 - Ñwed Abasi Ke Ikọ Ibibio Ayo Mfịn

¹⁷ Adieke awo anieeghe inie ndin akịd ayịnete amọ abaaha ke unana, ado ituaaha anye mbọm, ima Abasi anam die aba ke uwem awo ado?

1 Yọọn 3:17 ပူးပေါင်းရင်းမြစ်များ

Eti Etob Naña Duk Awet 3:11

Yọọn amaabọọrọ ate, “Awo a-anieeghe afọñ iba yak ayaak keed anọ awo a-ammiinieeghe, awo a-anieeghe ndidia yak awana adia ye ada a-mmiinieeghe.”

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

Ibru 13:16

Ndin ikiifre adinam nti ñkpọ ñnyʌñ ñwuana se enie ye mbon mfen, sia utọ uwa ntodo asinem Abasi esịd.

Yemsi 2:15

Kere ise mme nte ayịnete awodeen me awonwaan a-mmiinieeghe afọñ se asịne me ndidia se adia afịd usen.

Yemsi 2:16

Adieke keed ke atu ndufo abooho anye, “Tʌm saña ke emem, sọñ idem; nam idem mfo afiop, ndin dia ñkpọ eti-eti,” ado inamma ñkpọ ndomokeed ibaña mme unana ake ikpọkidem ammọ, ado aba nso-o ufọn?

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

1 Yọọn 5:1

Afịd awo se inịm ke Yisọs ado Krais, ado se Abasi abon, awo ake adodo a-amaaha ete ama ayịn amọ ñko.