1 Yọọn 3:12 - Ñwed Abasi Ke Ikọ Ibibio Ayo Mfịn

¹² Ekụụba nte Keen a-akedooho ake setan, ndin awot ayịneka amọ. Nso ikido ntak a-anye akewotto ayịneka? Sia mme ñkpọ se anye akenam ekedo ndiọi, ake ayịneka ekedo nnen-nnen.

1 Yọọn 3:12 ပူးပေါင်းရင်းမြစ်များ

Matiu 13:19

Awo amaakop ikọ abio ubọọñ, ado ikọ ami inwañake anye, anam ndubịk adi adiwịppe se eketọ ami ke esịd amọ. Anye ami aba nte ñkpasi a-akeduọọhọ ke akpọusʌñ.

Matiu 13:38

Inwañ ado ederimbod, ndin eti ñkpasi ada anọ nditọ abio ubọọñ. Mbiod ada anọ nditọ andidiọọk,

Matiu 23:35

Do ndin afịd iyiib mme ndinen awo se ebiad ke ederimbod eyaidoro ndufo ke iwuod, tọọñọ ke iyiib Ebeed, a-akedooho eti awo tutu asim iyiib Sekaraya, ayịn Berekaya, a-ndufo ekewotto ke ufọọd tembịd ye itie uwa.

Matiu 27:23

Anye abịp ate, “Ntaha? Nso-o ke anye anam?” Ado ammọ enenekke ebọọñ ete, “Kọñ anye ke eto!”

Matiu 5:37

Ke ntodo yak ‘Ih’ mfo ado ‘Ih,’ yak ‘Iyo-o’ mfo ado ‘Iyo-o’; akpekan ado, se afo atañ ato setan.

Eti Etob Naña Duk Awet 11:51

tọọñọ ke iyiib Ebeed tutu awuọ ake Sekaraya, e-ekewotto ke ufọọd itie uwa ye esịd tembịd. Ih, ke akpanikọ, emana ami ayaabọọrọ mbiime abaña afịd mme ñkpọ ami.

Yọọn 10:32

ado Yisọs abo ammọ, “Ami mmiwọt ndufo uwak nti utom a-atooho Ete mmi. Ake-e ke atu ami anam nọ ndufo entọọñ ke itiad?”

Yọọn 8:40

Daña aba ado, ndufo eyem usʌñ adiñwot miin, awo i-idọọkọke ndufo akpanikọ ukem naña ñkekop nto Abasi. Ami idooho se Ebraham akenam.

Yọọn 8:41

Ndufo enam ubọkutom ete ndufo.” Ammọ emaebọọrọ, “Ñnyịn idooho nte nditọ akpara. Ukweeñe Ete se ñnyịn inie ado Abasi ke idem amọ.”

Utom 7:52

Ake-e brọfed ke mme eteete ndufo mmiikikọbọke? Ammọ ekekap ewot mbon e-ekeyaarake adidi Adinen Ayịn Awo. Idahami, ndufo emetap anye enyʌñ ewot anye,

1 Tesadonia 2:14

Sia ndufo, nditọete, emaekappa edoñño mme andikpebe mme ufọkabasi ke Yudia, e-ebaññake ke Krais Yisọs. Ndufo ekebọ ufen eto ke ubọk mbon abio ndufo, ukem ufen a-mme ufọkabasi ado ekebọọhọ eto mme Yuu,

Ibru 11:4

Ke mbuọdidem Ebeed amaanọ Abasi uwa a-akefọnnọ akan ake Keen akenọọhọ. Ke mbuọdidem emaetooro anye nte adisana awo, ke ini Abasi amaaketañ eti ikọ ibaña mme enọ amọ. Ñko, ato ke mbuọdidem anye Ebeed asʌk atatañ iko akpesʌk ado anye amaakekpa.

Ibru 12:24

edi ebịne Yisọs andida ubiọñ ke ufa edioomo, ye ke adisiime iyiib a-atañña ikọ a-afọnnọ akan iyiib ake Ebeed.

1 Bita 4:4

Ndin idem akpa ammọ sia ndufo mmiinyịmmeke aba isaña ye ammọ nnañña atịme uwem ado, ndin ammọ anyʌñ isueñ ndufo.

1 Yọọn 3:8

Awo a-anamma idiọọk ado ke setan, sia setan ado anam idiọọk tọọñọ ke editọọñọ. Ayịn Abasi akedi ma adibiad ubọkutom setan.

Ñwed Yud 1:11

Adọdiọọk anọ ammọ! Ammọ esañake ke afañ Keen; ammọ efeeñe ebịne udod ke ndudue Badam; enyʌñ etak ke nsọñiwuod Kora.

Adiyaara 17:6

Ami mmaakịt ke iyiib mme ndisana ikot Abasi amaanaam awonwaan ami, iyiib mbon e-eketieeghe ikọ ntiense enọ Yisọs. Ke mmaakekịt anye, idem amaañkpa tutu.