1 Yọọn 2:8 - Ñwed Abasi Ke Ikọ Ibibio Ayo Mfịn

⁸ Kpa ye ado, ufa ibed ke ñwet inọọ; akpanikọ amọ ayaarake ke uwem amọ ye ke uwem ndufo, sia ini akịm asʌk aboiyo ndin ata unwana a-ayayamma.

1 Yọọn 2:8 ပူးပေါင်းရင်းမြစ်များ

Matiu 4:16

Mme awo e-edʌññọ ke akịm eyaakịt akwa unwana. Mbio se idʌñ ke isọñ akịm ñkpa, unwana ayamma anọ ammọ.”

Eti Etob Naña Duk Awet 1:79

nọ anam unwaña asịm mbon e-ebaaha ke akịm ye ñkịmayo ñkpa, anyʌñ akpeme ikpad ñnyịn asịn ke usʌñ emem.”

Yọọn 1:9

Ata akpan unwana a-ayamake anọ afịd awo akesʌk adi ke ederimbod.

Yọọn 12:35

Ndin Yisọs abo ammọ ate, “Ndufo eyaekaiso ekịt unwana ke etək-etək ini. Isaña idaha unwana abaaha do, mbemiso akịm ifʌk ndufo. Awo a-asañake ke akịm idiọọñọke nte anye aka.

Yọọn 12:46

Ami ndi ke ederimbod ami nte unwana nọ ato do awo a-annịmme miin ke akpanikọ akuuba ke akịm aba.

Yọọn 13:34

“Ufa ewʌhọ ke ami inọ ndufo: idumakka idem ndufo. Kpa naña ami ima ndufo, ana ndufo edumakka keed eken.

Yọọn 8:12

Ke ini Yisọs akemaanake atañ ikọ anọ mme awo, anye amaabo: “Ami ndo unwana ederimbod. Awo akeedodo a-ñkeeneke miin idiisañake ke akịm, ado ayaanie unwana ke uwem amọ.”

Utom 17:30

Ke ayo mkpọñ ako Abasi amaafeen anọ ammọ ke unana adidiọọñọ, ado idahami anye anọ iwuuk ate afịd awo ke afịd itie ekappa esịd.

Utom 26:18

aketat ammọ anyen anyʌñ anam ammọ ekappa ekpọñ akịm ebịne unwana, ekpọñ adudu Setan, ebịne Abasi, nọ ammọ ebọ adifeen ke mme idiọọkñkpọ ye itie ke atu mbon e-emaenam esana ato ke mbuọdidem ke ami.’

Ñwed Mbon Rum 13:12

Ayo ayaasieere, ubahausen akpere. Ndin yak ñnyịn ikpọñ mme ndiọiñkpọ akịm, iben afọñ ekọñ ake unwana isịne ke idem.

2 Kọrint 8:9

Sia ndufo emediọọñọ mfọn Abọọñ ñnyịn Yisọs Krais, ke akpesʌk ado anye akedooho imọ, ado ato ke ntak ndufo anye amaakappa ado uwueene nọ ato ke uwueene amọ ndufo ekappa edo mme imọ.

Efisọs 5:8

Sia ini keed ko ndufo ekedoñño mbon akịm, ado idahami edoñño unwana ke Abọọñ. Idu nte nditọ unwana

2 Timoti 1:10

Ato ke adidi Andinyaaña ñnyịn, Krais Yisọs, anye amaayara ñkpọ ami inọ ñnyịn. Krais amaabiad ñkpa, ndin ato ke eti etob emi, ayaara uwem nsi-nsi anọ mme andinịm anye ke akpanikọ.

1 Bita 1:21

Ato ke anye, ndufo enịm Abasi ke akpanikọ, a-akenamma anye aset ke ñkpa anyʌñ anọ anye ubọọñ, ke ntodo mbuọdidem mme idodanyen ndufo aba ke Abasi.

1 Yọọn 3:23

Ami ado ibed amọ: edinịm ke anyịñ Ayịn amọ, Yisọs Krais, inyʌñ ima keed aken naña ewʌhọ amọ akitemme ñnyịn.

1 Yọọn 4:11

Ndima mme ufan, sia Abasi imaaha ñnyịn ntom, ana ñnyịn ñko ima emọ-emọ awo.

1 Yọọn 4:21

Ndin anye inọọ ñnyịn ibed ami: Awo ake adodo a-amaaha Abasi, ana anye ama ayịnete amọ ñko.