1 Yọọn 2:4 - Ñwed Abasi Ke Ikọ Ibibio Ayo Mfịn

⁴ Awo ake adodo abooho, “Ami mmediọọñọ anye,” ado inamma se anye abo enam, ado asʌhọ nsu; ndin akpanikọ ibaaha ke idem amọ.

1 Yọọn 2:4 ပူးပေါင်းရင်းမြစ်များ

Yọọn 8:44

Ndufo eto ete ndufo, a-adooho setan, ñko ndufo eyem adinam uduak ete ndufo. Anye akedo awodawo tọọñọ ke editọọñọ, akenam anye itañña akpanikọ, sia mbeñe akpanikọ keed ibaaha anye ke idem. Anye amaasʌhọ nsu, anye ado asaña akekem ke ata uduod amọ, sia anye ado asʌhọ nsu, ado ete akpaimọ nsu.

Taitọs 1:10

Sia ebañña mme uwak eniin-eniin, mme ñkaña mbon utaañ ikọ ye mme abiaaña-abiaaña, akpan-akpan mbon ñka e-enịmme mboppo.

Taitọs 1:16

Ammọ edat ke mmimmọ imidiọọñọ Abasi, ado ato ke edu uwem ammọ, ammọ ekañ anye. Ammọ edoñño mme mbon ndubiam, etre utọñ ndin idotto edidat nnam ñkpọ se ifọn.

1 Yọọn 1:10

Adieke ñnyịn ibooho ke kpaanaanam ñnyịn inamma idiọọkñkpọ, imikappa inam anye ado asʌhọ nsu ndin ikọ amọ ñko idʌññọ ke uwem ñnyịn.

1 Yọọn 1:6

Adieke ñnyịn ibooho ke idʌk nsaña ye Abasi, ado ñnyịn isana ke akịm, ñnyịn ido mme asʌhọ nsu, idooho mme anam akpanikọ.

1 Yọọn 1:8

Ñnyịn ikpibo ke ñnyịn inieeghe idiọọkñkpọ, ibiaaña idem ñnyịn ndin akpanikọ inyʌññọ iba ñnyịn ke idem.

1 Yọọn 2:3

Ñnyịn inie ifiọk ke imidiọọñọ Krais adieke ñnyịn inịmme mme ibed amọ.

1 Yọọn 2:9

Awo ake adodo abooho ke idʌñ ke unwana ado anye asua ayịnete amọ asʌk adʌñ ke akịm.

1 Yọọn 3:6

Awo a-adʌññọ ke anye ikaaha iso inam idiọọk ñkpọ. Awo ake adodo a-akaaha iso anam idiọọkñkpọ ikịtte anye; inyʌññọ idiọọñọ anye.

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

1 Yọọn 4:7

Mme ndima ufan, yak ñnyịn ima keed aken, sia ima ato Abasi, ndin awo ake adodo a-anieeghe ima ado ayịn Abasi, anye anyʌñ adiọọñọ Abasi.