1 Yọọn 2:27 - Ñwed Abasi Ke Ikọ Ibibio Ayo Mfịn

²⁷ Amaado ndufo, idiọọñọ uyet adan e-ekebọọhọ mmọdo asʌk aba ye ndufo, ufọn ibaaha awo ndomokeed adikpeeb ndufo ñkpọ aba. Ado naña idiọọñọ Adisana Sịbidịd amọ ikpeeb ndufo afịd ñkpọ, sia naña idiọọñọ Adisana Sịbidịd ado ado akpanikọ, idooho ñwo, kpa naña akekpeeb ndufo, eba ke anye.

1 Yọọn 2:27 ပူးပေါင်းရင်းမြစ်များ

Matiu 13:11

Anye abọọrọ ammọ, “Inọ ndufo ikpọọñ unen adidiọọñọ ifiọk ndedịbe ñkpọ abio ubọọñ Abasi, idooho mbon mfen.

Yọọn 14:16

Ami ñyaabeeñe Ete, ndin anye ayainọ ndufo idọñesịd mfen adiba mme ndufo ke nsi-nsi,

Yọọn 14:17

Sịbidịd akpanikọ. Ederimbod idiiyemme anye sia ammọ idiọọñọke inyʌññọ ikịt anye. Ado ndufo emediọọñọ anye, sia anye adʌñ ke idem ndufo, anye adiiba ye ndufo ñko.

Yọọn 14:26

Ado Idọñesịd, Adisana Sịbidịd, e-Ete adidọñ ke anyịñ mmi ayaikpeeb ndufo afịd ñkpọ anyʌñ itoiyo ndufo afịd se ami ntañ inọ ndufo.

Yọọn 16:13

Ado anye, Sịbidịd akpanikọ amaadi, anye ayaidat ndufo iwọt usʌñ afịd akpanikọ. Anye idiitañña ikọ idem amọ, aditañ se anye akop kpọd, anye ayaidọkkọ ndufo se idiidi ke ini iso.

Yọọn 4:14

ado awo keed ake adodo añwọññọ mmọọñ a-ami ndiinọ anye, itọñ idiisatta anye aba. Ke akpanikọ mmọọñ a-ami ndiinọ anye ayaakappa idịm ke esịd idem amọ afeghe akesịm uwem nsi-nsi.”

Yọọn 6:45

Nte ewette ke ñwed mme Brọfed: ‘Abasi adikpeeb afịd ammọ.’ Afịd awo se ibọ ukpeebñkpọ ito Ete, eyaedi embịne miin.

1 Kọrint 2:12

Ñnyịn ibọọhọ sịbidịd ake ekondo ado ibọ Sịbidịd ake atooho Abasi nọ ato do anekke iñwaña ñnyịn se Abasi inọ ñnyịn ke ntadubọk.

1 Kọrint 2:13

Se ñnyịn itañ ado ami, idooho ikọ ake ifiọk awo ikpeebe ñnyịn, ado ye ikọ ake Sịbidịd akpeebe, atañ abaña akpanikọ ake Sịbidịd ato ke ikọ Sịbidịd.

2 Kọrint 1:21

Idahami ado Abasi akenam ñnyịn ye ndufo isọọñọ ida ke Krais. Anye amaiyet ñnyịn adan

Efisọs 4:21

Ke akpanikọ ndufo emaekop ebaña anye, emaenyʌñ ikpeeb ndufo ke anye nte asañake akekem ke akpanikọ a-asịneke ke Yisọs.

Kodosi 2:6

Ndin, kpa naña ndufo ekenyịmme Krais Yisọs nte Abọọñ, ekaiso edu uwem ke anye,

1 Tesadonia 2:13

Ndin ñnyịn isʌk ikaaka iso ikọọm Abasi ye ntak, ke ini a-ndufo ekebọọhọ ikọ Abasi, a-ndufo ekekoppo eto ñnyịn, ndufo emaebọ idooho nte ikọ mme awo, ado ke naña anye aba, ikọ Abasi, a-anamma utom ke atu ndufo e-enịmme ke akpanikọ.

1 Tesadonia 4:9

Idahami, ke abaña ima nditọete, ñnyịn inieeghe adiwet inọ ndufo, sia ndufo ke idem ndufo emaekpeeb eto Abasi adima keed aken.

1 Timoti 2:7

Ke ntak ami ke ekendot miin isọn utom ye abọsịd, ami ntañ akpanikọ, nsʌhọke nsu, mmaana ndo akwọrọ ikọ mbaña ata mbuọdidem nnọ mme Yentaid.

1 Bita 1:23

Sia ana ndufo emaemana ufa, itieeghe nte ñkpasi a-akpaaha, ado eba ke ubon a-mmiidibiarake, ato ke ikọ Abasi a-aduuho uwem anyʌññọ akpeene ke nsi-nsi.

1 Yọọn 2:28

Idahami, ndima nditọ, ekaiso edʌñ ke anye, ma ke ini a-anye adiyaara idem amọ, ñnyịn ikan ida ke uko; idiinyʌññọ ikop abuud ke ini anye adidi.

1 Yọọn 3:24

Mbon e-enịmme ewʌhọ Abasi edʌñ ke anye, anye anyʌñ adʌñ ke esịd ñnyịn, ato ke Sịbidịd a-anye akinọọhọ ñnyịn.

2 Yọọn 1:2

ke ntak akpanikọ, a-adʌññọ ke ñnyịn, a-adiinyʌñ iba ye ñnyịn ke nsi-nsi.