1 Yọọn 2:24 - Ñwed Abasi Ke Ikọ Ibibio Ayo Mfịn

²⁴ Yak se ndufo ekekop tọọñọ ke editọọñọ asọọñọ asịnne ke uwem ndufo. Se ekekop tọọñọ ke editọọñọ akpesọọñọ asịnne ke uwem ndufo, ndufo eyaekaiso e-edʌñ ke Ayịn ye ke Ete.

1 Yọọn 2:24 ပူးပေါင်းရင်းမြစ်များ

Eti Etob Naña Duk Awet 1:2

ukem-ukem naña mbon se ikikịt inyʌñ ikwọrọ mme ñkpọ ado eketañ inọ ñnyịn.

Eti Etob Naña Duk Awet 9:44

“Inekke ikpañ utọñ ke se ami mbo ntañ inọ ndufo: eyaetap Ayịn Awo enọ mme awo.”

Yọọn 14:23

Yisọs amaabọọrọ ate, “Awo a-amaaha miin ayaanam ukpeeb ñkpo mmi, ndin Ete mmi ayaama anye ndin ñnyịn iyaidi ibịne anye inyʌñ idʌñ mme anye.

Yọọn 15:7

Ndufo ekpedʌñ ke ami ndin ikọ mmi isịne ndufo ke idem, ibịp se eyeyem ke eyainọ ndufo.

Yọọn 6:56

Awo ake adodo a-ataaha ikpọkidem mmi anyʌñ inwọñ iyiib mmi aba mme ami, ami ñko ñnyʌñ mba mme anye.

Yọọn 8:25

Do ndin ammọ emaebịp anye ete, “Afo ado anie?” Yisọs amaabọọrọ ammọ ate: “Se ami ñkese idọdọkkọ ndufo toto ke aditọọñọ.

Fidibai 4:15

Mfen ñko, nte a-ndufo mme Fidibian ediọọñọke, ke mme akpa ini a-ndufo ekediọọñọke eti etob, ke ini ñketọọñọke isañ nto ke Masidonia, ufọkabasi ndomokeed ikiwanake mme ami ke ñkpọ adinọ mme adibọ, ibọhọke ndufo ikpọọñ;

Kodosi 3:16

Yak ikọ Krais adʌñ ke idem ndufo mfọn-mfọn naña ndufo ekpeeb enyʌñ enọọñọ keed aken item mme afịd ifiọk, naña ndufo ekwọ mme ikwọ saam, ikwọ Abasi mme ikwọ Sịbidịd ye esịd ekọọm enọ Abasi.

Ibru 2:1

Ke ntodo, ana ñnyịn itʌm ikpañ utọñ inọ se ñnyịn ikop mbaak ñnyịn idiyọọn ikpọñ usʌñ.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 1:7

Ado ñnyịn ikpisaña ke unwana, naña anye aba ke unwana, ñnyịn inie ewana ye emọ-emọ awo, ndin iyiib Yisọs, Ayịn amọ, ayet ukeed ndiọiñkpọ ñnyịn afep.

1 Yọọn 2:7

Mme ndima ufan, idooho ufa ibed ke ñwet inọ ndufo, ado kpa akaan ibed a-ndufo emadiọdiọọñọ tọọñọ ke editọọñọ.

1 Yọọn 3:24

Mbon e-enịmme ewʌhọ Abasi edʌñ ke anye, anye anyʌñ adʌñ ke esịd ñnyịn, ato ke Sịbidịd a-anye akinọọhọ ñnyịn.

1 Yọọn 4:13

Ñnyịn idiọọñọ ke ñnyịn imidʌñ ke anye, ke anye ñko adʌñ ke idem ñnyịn, ke anye amaakenam ñnyịn inie udeme ke Sịbidịd amọ.

1 Yọọn 4:15

Awo ake adodo a-anyịmmeke abo ke Yisọs ado Ayịn Abasi, Abasi adʌñ ke idem amọ; anye anyʌñ adʌñ ke Abasi.

1 Yọọn 4:16

Ke ami, ñnyịn imidiọọñọ, inyʌñ inie mbuọdidem ke ima a-Abasi anieeghe inọ ñnyịn. Abasi ado ima, Awo ake adodo adʌññọ ke ima adʌñ ke Abasi, Abasi anyʌñ adʌñ ke anye.

2 Yọọn 1:2

ke ntak akpanikọ, a-adʌññọ ke ñnyịn, a-adiinyʌñ iba ye ñnyịn ke nsi-nsi.

2 Yọọn 1:9

Awo ake adodo a-afegheke akpọñ ukpeebñkpọ Krais inieeghe Abasi; awo a-akaaha iso ke ukpeebñkpọ Krais anie Ete anyʌñ anie Ayịn.

3 Yọọn 1:3

Mmaanem esịd eti-eti adikop nto usʌk mme andinịm ke akpanikọ ke afo amenam akpanikọ anyʌñ akaiso a-asañake akpanikọ.

Adiyaara 3:11

Ami nsʌk nsọp ndi. Tʌm se amaakenenie emʌm kama, mbaak awo adubọ anyanya mfo.

Adiyaara 3:3

Toiyo, ndin se amaakebọ anyʌñ akop; nam item nyʌñ tua ñkpefiọk. Ado umuudemmeke, ñyaadi nte inọ ndin uduudiọọñọke ini a-Ami nduudubịne fiin.