1 Yọọn 2:16 - Ñwed Abasi Ke Ikọ Ibibio Ayo Mfịn

¹⁶ Sia afịd ñkpọ se iba ke ederimbod, ndumek abʌkidem, ndumek anyen ye nduaak inua ke abaña se awo anie ye se anye anam, itooho Ete ado ato ederimbod.

1 Yọọn 2:16 ပူးပေါင်းရင်းမြစ်များ

Matiu 4:8

Setan amaana aben anye aka ata ñkoñ-ñkoñ abod anyʌñ awọt anye afịd-afịd abio mme ndidem ke afịd ederimbod ye akwa uyai ammọ.

Matiu 5:28

Ado ami mbo ke awo a-aseeghe awonwaan ke idiọọk usʌñ akap asesịn efịbe ke esịd amọ.

Eti Etob Naña Duk Awet 4:5

Setan ndin amaaben anye aka anyọñ ekamba abod akewọt anye mme abio ubọọñ ke etək-etək ini.

Ñwed Mbon Rum 13:14

Ado, isiine Abọọñ Yisọs Krais ke idem ndufo, ndin ikuukere ibaña ediyʌkkọ mme ndiọi udọñ abʌkidem ndufo.

1 Kọrint 10:6

Mme ñkpọ ami eketịppe nọ ato do ado ukpeebñkpọ inọ ñnyịn itre adisịn esịd ñnyịn ke idiọọkñkpọ naña mbon ado ekenam.

Kadesia 5:17

Sia abʌkidem ayem se Sịbidịd miimaaha, ndin Sịbidịd inyʌññọ iwʌrọ se abʌkidem ama. Sịbidịd mme uduod idiọọkñkpọ eba ke ndusuaara, ke ntodo ukanna unam se afo ayem inam.

Kadesia 5:24

Mbon e-ebaaha ke Krais Yisọs emaekọñ abʌkidem ye afịd nduwʌd ye idiọọk itọñ ammọ ke krọs.

Efisọs 2:3

Ukeed ñnyịn ikinyʌñ iba ke atu ammọ ini keed ko, ikidu uwem inọ adiyʌkkọ uwʌd emana idiọọk ñkpọ ñnyịn ye adikeene mme udọñ ye mme akikere ammọ. Kpa nte mbon ñko, tọọñọ ke emana ñnyịn ikidoñño ñkpọ iyadesịd.

Taitọs 2:12

Anye ikpeeb ñnyịn adibo “iyo-o” ke unana adisana ido Abasi ye akwa idiọọk udọñ ñkpọ ederimbod, ye edidʌñ ke mfadidem, uwem a-adooho nnen-nnen ye mme nti uwem ido Abasi eyo mfịn ami,

Taitọs 3:3

Ini keed koo, ñnyịn ñko ikido mme ndisịme, isọñiwuod, mbon ebiaañake ndin inyʌñ idʌk afʌn inọ afịd uduod udọñ ederimbod mme inemesịd. Ñnyịn imaidʌñ ke adinie udu ke esịd nnọ keed aken mme ufịp inyʌñ idisuaara keed aken.

Yemsi 3:15

Uto “Ifiọk” ado itooho anyọñ isọiyọ idi, ado ado ake isọñ idooho ake Sịbidịd, ado ake dimọn.

Yemsi 4:16

Daña aba ami, ndufo enam inua enyʌñ ewọk ñwọọk. Afịd nnaminua ado ado idiọọkñkpọ.

1 Bita 1:14

Nte nditọ nsuukiwuod, ikiiyak idem ndufo inọ idiọọk udọñ a-ndufo ekenieeghe, ke ini a-ndufo mmiikinieeghe ifiọk.

1 Bita 2:11

Ndima mme ufan, mmibeeñe ndufo, nte mme isenawo ye mbon isañ ke ederimbod, nte yak ediañña idem ekpọñ idiọọk udọñ, a-anwanake ye ukpọñ ndufo.

2 Bita 2:10

akpan-akpan mbon e-esañake ke ndek-ndek idiọọk itọñ abʌkidem edu uwem enyʌñ emiom mme adaukara. Ammọ edoñño mbon usanya ye mbon nsọñ-iwuod, ndịk inama ammọ edisueeñ mbon ekamake itie ubọọñ;

2 Bita 2:18

Sia ammọ etañ ikpuikpu ikọ ñkpoon inua enyʌñ edat adukpo ido esañake idiọọk itọñ abʌkidem, etap mbon esʌkkọ ebọkkọ mbon edʌññọ ke ndudue.