1 Yọọn 2:1 - Ñwed Abasi Ke Ikọ Ibibio Ayo Mfịn

¹ Ndima nditọ mmi, ñwet ñkpọ ami inọ ndufo mbaak ndufo idinam idiọọkñkpọ. Ado, adieke awo ake adodo anamma idiọọkñkpọ, ñnyịn iminie akpeemem ke ufọọd ñnyịn ye Ete, Yisọs Krais a-adooho Andinen.

1 Yọọn 2:1 ပူးပေါင်းရင်းမြစ်များ

Eti Etob Naña Duk Awet 10:22

“Ete mmi amaayaak afịd ñkpọ ansịn ke ubọk. Awo ndomokeed idiọọñọke ake awo Ayịn ado, ibọhọke Ete ikpọọñ, awo ñko idiọọñọke se Ete ado, ibọhọke Ayịn ye mbon a-Ayịn amekke adiyaara anye nnọ.”

Yọọn 10:15

kpa daña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ edọñ mmi.

Yọọn 13:33

“Nditọ mmi, ndiiba mme ndufo ke etək-etək ini. Ndufo eyaenyem miin, ado kpa daña ñkedọdọkkọ mme Yuu, mmidọkkọ ndufo ñko idahami: itie nte ami ñka ndufo idiikanna idi.

Yọọn 14:16

Ami ñyaabeeñe Ete, ndin anye ayainọ ndufo idọñesịd mfen adiba mme ndufo ke nsi-nsi,

Yọọn 14:6

Ndin Yisọs amaabọọrọ: “Ami ndo usʌñ, mme akpanikọ mme uwem. Awo ndomokeed idieghe ibịne Ete ibọhọke anto miin.

Yọọn 21:5

Yisọs amaabịp ammọ, “Mme ufan mmi, ndufo imʌmmọ iyak ndomokeed?” Ammọ ebọọrọ, “Iyo-o.”

Yọọn 5:14

Akem Yisọs adikịt anye ke tembịd anyʌñ abo anye, “Sese, idem amaana usọñ. Kuunam idiọọkñkpọ aba, mmiidooho ntodo ñkpọ adiọọhọ akan ado akeme aditịppe unọ.”

Yọọn 5:36

“Ado ntiense mmi akpon akan ake Yọọn. Sia kpa utom e-Ete annọọhọ abo nnam mma, a-adooho anye ke nsʌk nam, ado ntiense awọttọ ke Ete akendọñ.

Yọọn 6:27

Ndufo ikiinam utom inọ ndidia adooho ayaabiara, ado inam inọ ndidia a-adiidat ikisịm nsi-nsi uwem, a-Ayịn Awo adinọ ndufo ke idem amọ. Sia Abasi Ete ke idem amọ awuuk idiọọñọ ke imọ imimek anye.”

Yọọn 8:11

Anye amaabọọrọ ate, “awo ibaaha Ete.” Yisọs abo anye, “Ami ñko ubiommo fiin ikpe. Nyọñ idahami, nyʌñ kpọñ uwem idiọọkñkpọ mfo.”

Utom 7:52

Ake-e brọfed ke mme eteete ndufo mmiikikọbọke? Ammọ ekekap ewot mbon e-ekeyaarake adidi Adinen Ayịn Awo. Idahami, ndufo emetap anye enyʌñ ewot anye,

Ñwed Mbon Rum 5:10

Sia adieke adooho ke ini ñnyịn ikikappa ido usua mme Abasi, ñnyịn ikisʌk inienie ewana mme anye ke ntak ñkpa Ayịn amọ, kap se idahami ndin a-ñnyịn idooho keed ye anye, adinyaaña ñnyịn adikpon die ito uwem amọ!

Ñwed Mbon Rum 6:15

Nso-o ndin? Ana ñnyịn inam idiọọkñkpọ sia ñnyịn mmiibaaha ke idak ibed ado ke idak mfọn? Iyoo!

Ñwed Mbon Rum 8:34

Anie ndin ado awo adibiom ñnyịn ikpe? Awo ndomokeed ibaaha. Krais Yisọs a-akekpaaha–a-akanna ado, a-akesette ke ñkpa adʌk uwem–a-anyʌññọ atie ke ubọk udom Abasi nte ubiọñ anọ ñnyịn.

1 Kọrint 15:34

Itịmme ika eti iwuod ndufo naña ekpeba, inyʌñ itre adinam idiọọkñkpọ: ado aba mbio a-ammiinieeghe ifiọk ibaña Abasi, ntañ ami nọ buud imʌm ndufo.

2 Kọrint 5:21

Abasi akenam anye a-miikinieeghe idiọọkñkpọ akappa ado idiọọkñkpọ ke ntak ñnyịn; mbaak ato do ñnyịn ke anye ikappa ido edinenido Abasi.

Kadesia 4:19

Ndima nditọ mmi, a-adooho ke ntak ndufo ami mmaana mba ke ubiak adimaana mman ndufo tutu ebot Krais ke esịd ndufo.

Efisọs 2:18

Sia ke anye ñnyịn uduod iba iminie ufañ adikịt Abasi ke Sịbidịd keed.

Efisọs 4:26

“Ke iyadesịd ndufo ikiinam idiọọk.” Kuuyak utịn asuuhọ adusịme ye iyadesịd,

1 Timoti 2:5

Abasi keed kpọd aba ye akpeemem keed ke ufọọd Abasi ye awo, anye ke idem amọ anyʌñ ado awo, kpa Krais Yisọs,

1 Timoti 3:14

Akpesʌk ado mmeduak adisọp adiduse fiin, ami nsʌk nwewet mme ewʌhọ ami ma ato do,

Ibru 9:24

Sia Krais ikidʌkkọ ke itie ukpono e-ekedatta ubọkawo enam a-akedooho mbid ata itie ado; anye akedʌk abio ubọọñ Abasi ke idem amọ, nọ ato do idahami anye awuọ ada inọ ñnyịn ke iso Abasi.

Yemsi 1:27

Ikọ Abasi Ete ñnyịn adatta nte nsasana ndin inieeghe ndo ado ami; adise ñkpọ mbaña mme nditọ anana ete mme eka ye mme ebeakpa ke ini nnan anyen ammọ ye adinyʌñ nnịm idem amọ asana mbaak ederimbod adibiad anye.

Yemsi 3:9

Ñnyịn idat edeme itooro Abọọñ ye Ete ñnyịn, inyʌñ idat anye ñko isueñ mme awo, e-enamma ke mbiet Abasi.

1 Bita 2:22

“Anye ikinamma idiọọkñkpọ nte keed, ndin nsu nte keed ikibaaha ke inua amọ”

1 Bita 3:18

Sia Krais ñko amaakpa ke ntak mme ndiọiñkpọ ini keed, awo a-anenne ke iwuod mbon mmiinenne, nọ anye idat ndufo asọk Abasi. Ekewot anye ke abʌkidem, ado enam anye adu uwem ke Sịbidịd,

1 Yọọn 3:18

Nditọ mmi, yak awo akuuma uma ikpọk inua, yak ikap iwọt ima ke adinam ñnyịn ye ke akpanikọ.

1 Yọọn 3:5

Ado ndufo emediọọñọ ke akedi ma anye adiben mme ndiọiñkpọ ñnyịn afep. Ñko, idiọọk ñkpọ ndomokeed ibaaha anye ke idem.

1 Yọọn 3:7

Ndima nditọ ikiiyak awo itịn ndufo usʌñ. Awo a-anamma etiñkpọ ado adinen, ukem-ukem naña anye ado edinen.

1 Yọọn 4:4

Mme ndima nditọ mmi, ndufo eto Abasi ndin ke ntak ami, ndufo emekan ammọ, sia anye abaaha ke idem ndufo akpon akan anye a-abaaha ke ederimbod.

1 Yọọn 5:17

Afịd ndudue ado idiọọkñkpọ, ado aba idiọọkñkpọ a-ammiidooho idiọọkñkpọ a-asuuhọ ke ñkpa.

1 Yọọn 5:21

Mme ndima nditọ, isioño idem ndufo ikpọñ ndem.

3 Yọọn 1:4

Inemesịd mmi anekke akpon ke adikop ke nditọ mmi esaña ke usʌñ akpanikọ.