1 Yọọn 1:8 - Ñwed Abasi Ke Ikọ Ibibio Ayo Mfịn

⁸ Ñnyịn ikpibo ke ñnyịn inieeghe idiọọkñkpọ, ibiaaña idem ñnyịn ndin akpanikọ inyʌññọ iba ñnyịn ke idem.

1 Yọọn 1:8 ပူးပေါင်းရင်းမြစ်များ

Yọọn 8:44

Ndufo eto ete ndufo, a-adooho setan, ñko ndufo eyem adinam uduak ete ndufo. Anye akedo awodawo tọọñọ ke editọọñọ, akenam anye itañña akpanikọ, sia mbeñe akpanikọ keed ibaaha anye ke idem. Anye amaasʌhọ nsu, anye ado asaña akekem ke ata uduod amọ, sia anye ado asʌhọ nsu, ado ete akpaimọ nsu.

Ñwed Mbon Rum 3:10

Nte emaekeweewet: “Ibaaha awo se inen, ibaaha awo ndomokeed;

Ñwed Mbon Rum 3:23

sia afịd awo enam idiọọkñkpọ enyʌñ eduọọ ekpọñ ubọọñ Abasi,

1 Kọrint 3:18

Ikiibiaaña idem ndufo. Awo ndufo ndomokeed akpekere ke iminie aniọñ ake ayo idahami, yak anye akappa ado akọi nọ ato do anye anie aniọñ.

Kadesia 6:3

Adieke awo akereke ke imọ ido ñkpọ ke ini anye mmiidooho, anye abiaaña idem amọ.

1 Timoti 6:5

ye mme ndutuai afịd ini ke atu mme mbon ndoi ekikere, mbon e-miinieeghe akpanikọ aba, e-ekereke ebo ke ikọ Abasi ado ñkpọ ukama ndia udod.

2 Timoti 3:13

Ado ndiọi awo ye mme anam abiaaña, eyaekaka iso ediọi ekan, enyʌñ eka iso ebiaaña awo, mme awo enyʌñ ebiaaña ammọ.

Yemsi 1:22

Ikiikpañ utọñ ikop ikọ kpọd, ndin ndufo ebiaaña idem ndufo. Enam se ikọ atañ.

Yemsi 1:26

Adieke mme awo edatta idem ammọ nte mme anam ikọ Abasi ado ammọ imʌmmọ edeme ammọ ke akpọsọñ ubọk, ammọ ebiaaña idem ammọ ndin ikọ Abasi ammọ ado ikpu-ikpu.

Yemsi 3:2

Afịd ñnyịn imiduọ ke uwak usʌñ. Adieke awo ndomokeed ake adodo mmiinamma ndudue ke se anye atañ anye ado awo afọnnọ ama, a-akemekke adinie mfadidem.

2 Bita 2:13

Ediikpe ammọ utịp idiọọk akeene idiọọk se ammọ enam. Se ammọ edad ke ado udia uwem ado ammọ adinam abʌd-abʌd uwem ata uweemeayo. Ammọ edoñño ñkpọ abuud ye esuenne, ke ini adooho ammọ esʌk ekop inem adinam abʌd-abʌd uwem ado esʌk ediwuana ubọk ndidia ye ndufo.

1 Yọọn 1:10

Adieke ñnyịn ibooho ke kpaanaanam ñnyịn inamma idiọọkñkpọ, imikappa inam anye ado asʌhọ nsu ndin ikọ amọ ñko idʌññọ ke uwem ñnyịn.

1 Yọọn 1:6

Adieke ñnyịn ibooho ke idʌk nsaña ye Abasi, ado ñnyịn isana ke akịm, ñnyịn ido mme asʌhọ nsu, idooho mme anam akpanikọ.

1 Yọọn 2:4

Awo ake adodo abooho, “Ami mmediọọñọ anye,” ado inamma se anye abo enam, ado asʌhọ nsu; ndin akpanikọ ibaaha ke idem amọ.

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.

2 Yọọn 1:2

ke ntak akpanikọ, a-adʌññọ ke ñnyịn, a-adiinyʌñ iba ye ñnyịn ke nsi-nsi.

3 Yọọn 1:3

Mmaanem esịd eti-eti adikop nto usʌk mme andinịm ke akpanikọ ke afo amenam akpanikọ anyʌñ akaiso a-asañake akpanikọ.