1 Yọọn 1:6 - Ñwed Abasi Ke Ikọ Ibibio Ayo Mfịn

⁶ Adieke ñnyịn ibooho ke idʌk nsaña ye Abasi, ado ñnyịn isana ke akịm, ñnyịn ido mme asʌhọ nsu, idooho mme anam akpanikọ.

1 Yọọn 1:6 ပူးပေါင်းရင်းမြစ်များ

Matiu 7:22

Uwak awo eyaembo ke usen ado, ‘Abọọñ, Abọọñ, nte ñnyịn ikidakka itañ se idiitịppe ke anyịñ mfo, ibịn ndiọi sịbidịd isiooño mme awo ke idem ke anyịñ mfo, inyʌñ inam utịbe ñkpọ?’

Yọọn 11:10

Ado anye amaasaña ke akoneyo akeme adikọbọ nduọ sia unwana ibaaha.”

Yọọn 12:35

Ndin Yisọs abo ammọ ate, “Ndufo eyaekaiso ekịt unwana ke etək-etək ini. Isaña idaha unwana abaaha do, mbemiso akịm ifʌk ndufo. Awo a-asañake ke akịm idiọọñọke nte anye aka.

Yọọn 12:46

Ami ndi ke ederimbod ami nte unwana nọ ato do awo a-annịmme miin ke akpanikọ akuuba ke akịm aba.

Yọọn 8:12

Ke ini Yisọs akemaanake atañ ikọ anọ mme awo, anye amaabo: “Ami ndo unwana ederimbod. Awo akeedodo a-ñkeeneke miin idiisañake ke akịm, ado ayaanie unwana ke uwem amọ.”

Yọọn 8:55

Akpesʌk ado nte ndufo miidiọọñọke anye, ami mmediọọñọ anye. Adieke ñkpebooho ke ami ndiọọñọke anye, ami ñkpedo asʌhọ nsu nte ndufo, ado ami mmediọọñọ anye nnyʌñ nnam ikọ amọ.

1 Timoti 4:2

Mme utọ ukpeeb ado eto ke ndubịk mme asʌhọ nsu e-ebenne nsu ekpeep nte akpanikọ, esịd ammọ anyʌñ adoro ufiọn nte ñkpọ e-edatta ikañ adomutịm efọp.

Yemsi 2:14

Nso ido ufọn, nditọete mmi, adieke awo abooho ke iminie mbuọdidem ado inieeghe adinam ñkpọ ndomokeed? Nte utọ mbuọdidem ado a-akeme inyaaña ammọ?

Yemsi 2:16

Adieke keed ke atu ndufo abooho anye, “Tʌm saña ke emem, sọñ idem; nam idem mfo afiop, ndin dia ñkpọ eti-eti,” ado inamma ñkpọ ndomokeed ibaña mme unana ake ikpọkidem ammọ, ado aba nso-o ufọn?

Yemsi 2:18

Ado awo ayaabo, “Afo amenie mbuọdidem; ami mmenie utom.” Ñwọt miin mbuọdidem mfo ammiinieeghe utom, ndin ami ñyauwọt fiin mbuọdidem mmi ato ke se ami nnam.

1 Yọọn 1:10

Adieke ñnyịn ibooho ke kpaanaanam ñnyịn inamma idiọọkñkpọ, imikappa inam anye ado asʌhọ nsu ndin ikọ amọ ñko idʌññọ ke uwem ñnyịn.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 1:8

Ñnyịn ikpibo ke ñnyịn inieeghe idiọọkñkpọ, ibiaaña idem ñnyịn ndin akpanikọ inyʌññọ iba ñnyịn ke idem.

1 Yọọn 2:4

Awo ake adodo abooho, “Ami mmediọọñọ anye,” ado inamma se anye abo enam, ado asʌhọ nsu; ndin akpanikọ ibaaha ke idem amọ.

1 Yọọn 4:20

Adieke awo ndomokeed abooho, “Mmema Abasi” ado asua ayịnete amọ, anye ado asʌhọ nsu. Sia awo a-mmiimaaha ayịnete amọ a-anye akịtte ke anyen, ikemeke ima Abasi a-anye mmiikịtte.