1 Kọrint 8:3 - Ñwed Abasi Ke Ikọ Ibibio Ayo Mfịn

³ Ado Abasi adiọọñọ awo a-amaaha anye.

1 Kọrint 8:3 ပူးပေါင်းရင်းမြစ်များ

Matiu 7:23

Ndin ami nyaadọkkọ ammọ ke iso ammọ nte: ‘Akenaanam ami idiọọñọke ndufo, indakka ke iso, ndufo mme anañña ndiọiñkpọ.’

Yọọn 10:14

“Ami ndo eti akpemedọñ; ami mmediọọñọ mme edọñ mmi, mme edọñ mmi enyʌñ endiọọñọ miin,

Yọọn 21:17

Anye atịmme abịp ayọhọ ukpa ita ate, “Saimọn, ayịn Yọọn, nte afo amemma miin?” Bita amaatọhọ sia Yisọs akebịp anye mbịme ami ayọhọ akañ ita ate, “Nte afo amemma miin?” Anye ndin amaabo Yisọs ate, “Abọọñ, afo amediọọñọ ukeed-ukeed ñkpọ; afo amediọọñọ ke ami mmuma fiin.” Yisọs ate anye, “Bọọk edọñ mmi.

Ñwed Mbon Rum 11:2

Abasi ikisịnne ikọt amọ a-anye ammaketo adiọọñọ. Ado nte ndufo afo idiọọñọke se ikọ Abasi abo ke itie ñwed keed abaña Edaiya, naña anye aketọt mme ndiọiñkpọ Isred anọ Abasi ate:

1 Kọrint 13:12

Idahami ñnyịn ikịt ñkpọ ndukpọñ-ndukpọñ nte ikịt ke ukịdiso; ini amaakem iyaikịt iso ye iso. Idahami ndiọọñọ ubaak-ubaak; idahado ñyaadiọọñọ ayọhọ-ayọhọ kpa naña endiọọñọ miin ayọhọ-ayọhọ.

1 Kọrint 2:9

Ado naña ewet: “anyen ndomokeed ikịtte, utọñ ndomokeed ikoppo, esịd awo ndomokeed ikereke se Abasi abeeñe anịm anọ mbon se ima anye.”

Kadesia 4:9

Ado idahami emaediọọñọ Abasi, ke editʌm ntañ Abasi idiọọñọ ndufo, nsinam ekanna edem emaana ebịne mme ntək mmem-mmem ndiọi sịbidịd edo? Eyem ammọ emaana isịn ndufo ke ufʌn?

2 Timoti 2:19

Kpa ye ado, itiad idakisọñ Abasi asọọñọ ada ye mme ikọ ami: “Abọọñ adiọọñọ mbon se ido ake Amọ,” amaana adian: “Afịd awo se itommo anyịñ Abasi ana asioño idem akpọñ ukwañ ido.”

Yemsi 1:12

Afọfọn anọ awo a-anieeghe ime ke ini anye akịtte idomo sia anye amaakan idomo anye ayaabọ anyanya uwem ake Abasi amaakeñwọñọ anọ mbon e-emaaha anye.

Yemsi 2:5

Ikpañ utọñ, mme ndima nditọete: Nte Abasi imekke mbon edoññoke uweene ke anyen ederimbod nọ edido imọ ke mbuọdidem enyʌñ edinie abio ubọọñ a-anye akenwọñọke anọ mbon e-emaaha anye?

1 Bita 1:8

Akpesʌk ado ndufo mmiikịtte anye, ndufo e-ema anye, ñko akpesʌk ado ndufo mmiikịtte anye idahami; ndufo emenịm anye ke akpanikọ enyʌñ eyọhọ ye idadesịd ake inua mmiikanna itañ a-anyʌññọ ayọhọ ye ubọọñ.

1 Yọọn 4:19

Ñnyịn ima sia anye amaabem iso ima ñnyịn.

1 Yọọn 4:7

Mme ndima ufan, yak ñnyịn ima keed aken, sia ima ato Abasi, ndin awo ake adodo a-anieeghe ima ado ayịn Abasi, anye anyʌñ adiọọñọ Abasi.

Adiyaara 2:13

Ami mmediọọñọ itie nte afo adʌñ–itie a-Setan anịmme ebekpo amọ. Ado afo amemʌm anyịñ mmi akama. Ukunyʌññọ ukañ ikọ mmi, kpa ke ini Antipas, ata akpan ntiense mmi, e-ekewotto ke abio ndufo, ke itie idʌñ Setan.

Adiyaara 2:19

Mmediọọñọ mme utom mfo, ima mme mbuọdidem mfo; adinam mme ime mfo, ndin se afo anam idaha ami akpon akan ake akpa.

Adiyaara 2:9

Ami mmediọọñọ mme ukuud mfo ye uweene mfo–ado afo ado imọ! Mmediọọñọ mme ndubiam mbon e-ebooho ke idoñño mme Yuu ke ini ammọ mmiidoññoke, ado edoñño itie ubọñ akam Setan.