1 Kọrint 7:9 - Ñwed Abasi Ke Ikọ Ibibio Ayo Mfịn

⁹ Ado akpedo ammọ ikanna inie mfadidem, yak ammọ edọ ndọ, sia afọn adidọ ndọ ñkan adikpa ke iwʌd.

1 Kọrint 7:9 ပူးပေါင်းရင်းမြစ်များ

Utom 19:36

Nte ndufo idiọọñọke ke ñkpọ ami ado akpanikọ, ufọn adifịna idem me adinam ñkpọ nte mme anana akikere ibaaha.

1 Kọrint 7:2

Ado sia use ye efịbe ekponno eti-eti; yak awodeen keed adọ anwaan amọ, awonwaan anyʌñ anie ebe amọ.

1 Kọrint 7:28

Ado adieke adọọhọ ndọ, afo unamma idiọọkñkpọ; adieke abọikpa adọọhọ ndọ, anye inamma idiọọkñkpọ. Ado mbon se idọ ndọ eyaenie uwak mfịna ke uwem ami, ndin ñyemme ndufo enie utọ mfịna ado.

1 Kọrint 7:36

Adieke awo akereke ke eduuwem imọ isañake ikikem kebaña abọikpa a-anye akebịppe ndọ, ndin iwʌd amọ anekke akpon, anye ñko akere ke akpena idọ ndọ, yak anye anam se anye ayem. Anye inamma idiọọkñkpọ. Yak ammọ enam ndọ.

1 Kọrint 7:39

Awonwaan adiana ye ebe amọ adaña nte anye aduuho uwem. Ado adieke ebe amọ akpaaha, anye anie unen adidọ awo mfen anye amaaha, ado ana awo ado ado awo Abasi.

1 Tesadonia 4:4

nọ awo keed-e-keed akpeeb nfadidem ke usʌñ adooho adisana mme ke edu ukpono.

1 Timoti 5:11

Kuusịn anyịñ mme ebeakpa edoññoke ukpoom, sia, udọñ itọñ abʌkidem amaadi, ammọ eyaekpọñ enwọñọ ammọ ke Krais, ekedọ ndọ.

1 Timoti 5:14

Item mmi ado, yak mme ebekpa e-mmiisọññọ edọ ndọ, eman nditọ, enyʌñ ese ufọk ammọ, ndin mme asua ñnyịn idiikanna inie idiọọk se etañ edian ammọ.