1 Kọrint 4:4 - Ñwed Abasi Ke Ikọ Ibibio Ayo Mfịn

⁴ Esịd mmi ana inwañ-inwañ, ado ado inamma nọ ikpe antoppo miin. Abọọñ ado andikpe ikpe mmi.

1 Kọrint 4:4 ပူးပေါင်းရင်းမြစ်များ

Yọọn 21:17

Anye atịmme abịp ayọhọ ukpa ita ate, “Saimọn, ayịn Yọọn, nte afo amemma miin?” Bita amaatọhọ sia Yisọs akebịp anye mbịme ami ayọhọ akañ ita ate, “Nte afo amemma miin?” Anye ndin amaabo Yisọs ate, “Abọọñ, afo amediọọñọ ukeed-ukeed ñkpọ; afo amediọọñọ ke ami mmuma fiin.” Yisọs ate anye, “Bọọk edọñ mmi.

Utom 23:1

Bọọd adịppe iso amaase mbon esob Sanhidrin abo ate, “Nditọete mmi, ami mmenam iso utom mmi nnọ Abasi ke eti esịd tutu usen mfịn ami.”

Ñwed Mbon Rum 2:13

Sia idooho mbon se ikop ibed edoñño mme andinen ke iso Abasi, ado mbon se inam ibed ke ediikood nte mme adinen.

Ñwed Mbon Rum 4:2

Akpedo, ke akpanikọ, ekenam Ebraham anen mme Abasi ato utom amọ, anye amaanie ñkpọ se anye akpedat awọk inua, ado idooho ke iso Abasi.

1 Kọrint 4:3

Ñkereke me ndufo me esop awo abiire ikpe mmi; ke akpanikọ ami ke idem mmi mbiireke ikpe nnọ idem mmi.

1 Kọrint 4:5

Ke ntak ado, kuubiire ikpe ke abaña ñkpọ ndomokeed; bet tutu Abọọñ adi. Anye ndin ayaadiyaara anwa-anwa se idịbe ke akịm anyʌñ ayaara akikere esịd mme awo. Ke ini ado amaakem, awo keed-e-keed ayaabọ itooro ato Abasi.

2 Kọrint 1:12

Sia nduaak inua a-ñnyịn iduaaha ado ami, ikọ ntiense esịd ñnyịn atañña abo ke ñnyịn ikisañake ke akikere abʌkidem ado ke mfọn Abasi. Ñnyịn inyʌñ inam ntom, itooho ke ndufiọk ederimbod ado ato ke mfọn Abasi.

2 Kọrint 5:10

Sia afịd ñnyịn inie adiwuọ nda ke iso itie ikpe Krais; ma awo keed-e-keed abọ utịp a-akemme ye se anye akenam ke ikpọkidem, ke ñkpọ ado adooho eti, me anyʌññọ ado idiọọk.