1 Kọrint 2:1 - Ñwed Abasi Ke Ikọ Ibibio Ayo Mfịn

¹ Ke ini ñkedieeghe ibịne ndufo, ñkedieeghe ye akpọsọñ udọọñ ikọ ye akpọsọñ ifiọk ke ini ñketañña ikọ ntiense mbaña Abasi.

1 Kọrint 2:1 ပူးပေါင်းရင်းမြစ်များ

Utom 20:21

Mmekwọrọ nnọ mme Yuu ye mme Krik mbo yak ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.

Utom 22:18

a-Abọọñ aketañña ikọ annọ miin. Anye amambo miin ate, ‘Sọp idem kpọñ Yerusedem ini keed sia mme awo mi idiinyịmmeke ikọ ntiense mfo ambañake miin.’

Ñwed Mbon Rum 16:18

Sia utọ ibon ado inamma ñkpọ inọ Abọọñ Krais, ado enam enọ idọọk itọñ ammọ. Ke ñkara utañ ikọ ye nnem inua ammọ ebiaaña mbon enieghe mfefeere esịd e-mmidiọọñọke.

Ñwed Mbon Rum 16:25

Idahami enọ anye a-akemeke adisọọñọ ndufo ke ikọ Abasi ye ke adisiak ntọd Yisọs Krais nte asañake akekem ke adiyaara ndedịbe akpanikọ e-ekedịppedịp ke mme uwak emana a-amaekeboiyo,

1 Kọrint 1:17

Sia Krais ikindọññọ ndiduọk mmọọñ ado akendọñ ndikwọrọ eti etob, itooho ke ikọ ifiọk awo, mbaak adudu krọs Krais adido ke ikpu-ikpu.

1 Kọrint 1:6

Abasi ñko asọọñọ ntiense ndufo kebaña Krais ke idem ndufo.

1 Kọrint 2:13

Se ñnyịn itañ ado ami, idooho ikọ ake ifiọk awo ikpeebe ñnyịn, ado ye ikọ ake Sịbidịd akpeebe, atañ abaña akpanikọ ake Sịbidịd ato ke ikọ Sịbidịd.

1 Kọrint 2:4

Etop mmi ye ukwọrọ ikọ mmi ikisañake ye aniọñ ye nnem inua, ado akeben adudu Sịbidịd anam uwọdñkpọ,

1 Kọrint 2:7

Iyoo, ñnyịn itañ ikọ ibaña ndedịbe aniọñ ake Abasi, aniọñ e-emaekedịp, a-Abasi akebeeñeke anịm anọ ubọọñ ñnyịn ke editọọñọ.

2 Kọrint 10:10

Sia usʌk ammọ ebo ete, “Deta amọ adoppo anyʌñ anie adudu ado anye ke idem amọ ado ñkaña awo, ikọ inua amọ idooho ñkpọ.”

2 Kọrint 11:6

Akpesʌk ado mmembọọhọ ukpeeb nte awo udọọñ ikọ ado mmenie ifiọk. Ñnyịn iminam ami anekke iñwaña ndufo ke afịd-afịd usʌñ.

2 Tesadonia 1:10

ke usen anye adidi idiyaara ubọọñ ke mme ndisana awo, ñko adido utịbe ñkpọ ñkpaidem ke atu mbon e-enịmme ke akpanikọ. Ndufo ñko esịne ke atu ami, sia ndufo emaenịm ikọ ntiense i-ikitaña inọ ndufo.

1 Timoti 1:11

a-asañake akekem ke eti etob ubọọñ Abasi adidiọñ, a-anye akekappake annọ.

2 Timoti 1:8

Ke ntom, kuuyak abuud unam fiin adido ntiense nnọọ Abọọñ ñnyịn. Kuunyʌñ uyak abuud unam fiin ambaña miin, awo ñkpakọb amọ. Ado ñkeene miin biom ukuud ke ntak adikwọrọ eti mbʌk ami, ato ke adudu Abasi,

1 Yọọn 4:14

Ñnyịn imikịt, iminyʌñ ido ntiense ibo ke Ete akedọñ Ayịn amọ ate adi nte Andinyaaña ederimbod.

Adiyaara 1:2

a-atieeghe ntiense abaña afịd ñkpọ se anye akekịt–ado ado ikọ Abasi mme ikọ ntiense Yisọs Krais.

Adiyaara 1:9

Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.

Adiyaara 19:10

Ke emaeketañ ami, ami mmaaduọ anye ke ukod edikpono anye, ado anye amambo miin ate: “Kuunam ado! Ami ndo emọ-emọ isʌñutom nte afo mme nditọ usọ e-emʌmmọ ikọ ntiense ekama. Kpono Abasi! Sia ikọ ntiense Yisọs ado Sịbidịd brọfesi.”