1 Kọrint 14:3 - Ñwed Abasi Ke Ikọ Ibibio Ayo Mfịn

³ Ado awo a-atañña brọfesi atañ anọ mme awo nọ enie nsọọñọnda, nsọọñọidem ye idọñesịd.

1 Kọrint 14:3 ပူးပေါင်းရင်းမြစ်များ

Eti Etob Naña Duk Awet 3:18

Ndin Yọọn amaadat mme nsio-nsio ikọitem akwọrọ eti etob anọ mme awo.

Utom 13:15

Ke emaekekood ke ñwed Ibed ye ake mme Brọfed ema, mme andikara sinakọk emaedọñ ekedọkkọ ammọ ete, “Nditọete, akpedo emenie ikọ nsọọñidem aditañ nnọ mme awo, mbọk ika iso itañ.”

Utom 14:22

esọọñọ mme ibed idem, enyʌñ edọñ ammọ esịd ete esọñ eda ke akpanikọ ye ke mbuọdidem. Ammọ emaebo mme ibed ete, “Ana ñnyịn iboiyo ke uwak ndutʌghọ nọ ikan idʌk abio ubọọñ Abasi.”

Utom 15:32

Yudas ye Saidas, e-ekedooho mme brọfed ke idem ammo, emaetañ uwak ikọ adisọọñọ mme andinịm ke akpanikọ idem.

Utom 4:36

Yosef, awo Difaid a-aketooho Saiprọs, a-mme abọsịd ekebenne ekood Banabas (a-awuọọñọke “ayịn nsọọñọesịd”),

Utom 9:31

Do ndin ke ufọkabasi ke afịd-afịd Yudia, ye ke Kadidi, ye ke Sameria ekebọ emem ye nsọọñọnda. Ke idak mbaak Abasi ye nsọọñọidem ake Adisana Sịbidịd, ufọkabasi amaatọt.

Ñwed Mbon Rum 12:8

adieke adooho adinọ item, nọ item; adieke adooho adinọ mbon unanna ñkpọ, tat ubọk nọ, adieke adooho adidat usʌñ, dat usʌñ; adieke adooho adiwọt mbọm, nam ado ke inemesịd.

Ñwed Mbon Rum 14:19

Yak ñnyịn ndin inam afịd se ikan se idiidat emem idiinyʌñ inwam ke adisọọñọ keed eken idem.

Ñwed Mbon Rum 15:2

Ñnyịn keed-e-keed ikpana inam esịd anem mbọhọidʌñ ñnyịn ke adiyem ufọn amọ ye adinam amọ ekọt ke mbuọdidem.

1 Kọrint 10:23

Afo ate “Mmekeme adinam afịd ñkpọ,” ado idooho afịd ñkpọ anie ufọn. “Mmekeme adinam afịd ñkpọ,” ado idooho afịd ñkpọ awuọọñọ ñkpọ.

1 Kọrint 14:12

Ukem ami ke ado ye ndufo. Sia ndufo enieeghe udọñ adinie mme enọ Sịbidịd, inwana usʌñ adidịppe idaha ufọkabasi.

1 Kọrint 14:17

Akeme ido anọ ekọọm ke akpanikọ, ado awo ako idiidịppeke idaha amọ.

1 Kọrint 14:26

Nso-o ndin ke ñnyịn ikeme adibo, nditọeka? Ndufo emaediboho, afịd awo enie ikwọ, me ikọ ukpeebñkpọ, me adiyaara, me nsio-nsio usem me adikappa. Ana enam afịd ami adidịppe idaha ufọkabasi.

1 Kọrint 14:31

Sia afịd ndufo emekeme aditañ brọfesi awo ke adiana ke adiana, nọ afịd awo ekan ebọ ukpeeb enyʌñ enie nsọọñọnda.

1 Kọrint 8:1

Idahami, kebaña ndidia uwa e-ewaaha enọ mme ndem: Ñnyịn imidiọọñọ ke afịd ñnyịn iminie ifiọk. Ado ifiọk asaña ye ntañidem, ado ima abọbọp.

2 Kọrint 1:4

i-idọññọ ñnyịn esịd ke afịd mfịna ñnyịn, nọ ato do ñnyịn ikan idọñ mbon e-ebaaha ke mfịna ye idọñesịd ake ñnyịn ke idem ñnyịn ibọọhọ ito Abasi.

2 Kọrint 2:7

Ntom ke ndufo ekpekap afeen enọ anye, enyʌñ edọñ anye esịd, mbaak akaakan mfʌghọ adiben anye amen.

Efisọs 4:29

Ikiiyak idiọọk ikọ ndomokeed iwuọ ndufo ke inua, ado sʌk se ikeme adinwam adibenne mme awo ke unana ammọ, nọ mbon e-ekpañña utọñ ebọ ufọn ñko.

Efisọs 6:22

Ami ndọñ anye inọ ndufo ke ntak ami, ma ndufo ediọọñọ naña ñnyịn iba, ma anye anyʌñ isọọñọ ndufo idem.

Kodosi 4:8

Ami ndọñ anye inọ ndufo ke ata akpan ntak nọ ndufo ediọọñọ naña ñkpọ aba mme ñnyịn ma ato do ñko anye idọñ ndufo esịd.

1 Tesadonia 2:11

Sia ndufo emediọọñọ ete ke ñnyịn ikinam ñkpọ ye ndufo keed-e-keed nte ete anam ñkpọ ye nditọ amọ,

1 Tesadonia 2:3

Sia ñkpeubọk a-ñnyịn inamma itooho ke ndudue me unana adisana ido, inyʌññọ ido nte ñnyịn iyem adinam ndufo ñkara.

1 Tesadonia 3:2

Ñnyịn imaidọñ Timoti, a-adooho ayịnete ñnyịn ye anam utom Abasi ke adisuan eti etob Krais, edisọọñọ enyʌñ idọñ ndufo esịd ke mbuọdidem ndufo,

1 Tesadonia 4:1

Ke akpatre nditọete, ñnyịn imikpeeb ndufo naña esaña edu uwem ma anem Abasi esịd, kpa naña ndufo edu idahami. Idahami ñnyịn ibịp ndufo inyʌñ ikpak ndufo idem ke Abọọñ Yisọs ite ekaka iso enam ntom.

1 Tesadonia 4:18

Ndin isọọñọ keed aken ukod ke mme ikọ ami.

2 Tesadonia 3:12

Utọ mbon ami ke ñnyịn inọ ewʌhọ inyʌñ ikpak ammọ ke Abọọñ Yisọs Krais ite esuuk etie ndin enam utom nọ ato do ammọ enie ndidia se edia.

1 Timoti 1:4

ñko ammọ ekuukpañ utọñ enọọ mme ñke ye ñnyan mbʌk ntịppe e-ekemeke idat eniin ndi, eniin a-mmiiyakka utom Abasi akaiso, adooho ke mbuọdidem.

1 Timoti 4:13

Tutu ntịmme ndi, sịn ifịk kood ikọ Abasi anwa-anwa, kwọọrọ ikọ, nyʌñ kpekpeeb.

1 Timoti 6:2

Adieke adʌññọ ye awo anịmme Abasi ke akpanikọ, kuumiim anye ato ke ntak a-ndufo edoñokke mme andinịm ke akpanikọ. Utu ke ado, kap nekke nam utom nọ anye afọn akan, sia mme adia ufọn utom ado edoññoke mme akpono Abasi ye nditọ ima amọ ñko. Ana ekpeeb enyʌñ enwam mme awo adinam mme ñkpọ ami.

2 Timoti 4:2

Kwọọrọ ikọ Abasi, nyʌñ sịn ifịk nam ami, ye adooho ke akem ini, ye ke ini mmiikemme, ke ifed abaaha, ye ke ufañ afahakefaha. Wọt mme awo ndudue ammọ; sua nọ ammọ; kpek ammọ, nyʌñ nie anyan ime ke edinekke ñkpeeb.

Taitọs 1:9

Anye ana amʌm akama ke akpọsọñ ubọk eti etob naña ekekpeep, nọ ato do anye akan asọọñọ mbon ñko ukod ke ata eti ukpeeb anyʌñ asịn mbon e-ebiọọñọke ikọ Abasi.

Taitọs 2:15

Ami ndin ado mme ñkpọ se ekpekpeeb. Nọ nsọọñọ ñkpad nyʌñ isua nọ ke afịd adudu. Kuuyak awo ba keed use fiin ke ndek.

Taitọs 2:6

Ntoro ñko, sọọñọ mme ñkparawa ikpad ate ammọ enie mfadidem.

Taitọs 2:9

Kpeeb mme ifʌn adisuuk iwuod nnọ mme eteufọk ammọ, ke afịd ñkpọ, enwana adinam se inem eteufọk ammọ esịd, ekuubọọrọ ammọ ikọ,

Ibru 10:25

Yak ñnyịn ikiisiooño idem ikpọñ adisiboho atọ keed, nte usʌk awo esinamma, ado yak ikpek keed aken akpan-akpan nte ndufo ekịtte ke usen asʌk akpere.

Ibru 13:22

Nditọete, mmikpeiye ndufo nte yak ekpañ utọñ ke mme ikọitem mmi, sia iwet ndufo ibio-ibio ñwed kpọd.

Ibru 3:13

Ado isọọñọ keed aken ukod ke usen ke usen, adaña nte ekoodo anye “Mfịn,” mbaak awo ndufo ndomokeed adikappa anie esịd itiad ato ke abiaaña idiọọkñkpọ.

1 Bita 5:12

Ñke unwam Saidas, a-ndatta nte anam akpanikọ ayịneka, mmewed imʌk-imʌk ñwed ami nnọ isọk ndufo, adisọọñọ ndufo ukod, ñnyʌñ inọ ndufo ntiense mmi nte ke ami ado ata mfọn Abasi. Esọọñọ eda ke ado.

Ñwed Yud 1:20

Ado ndufo, mme ndima ufan, ndufo edat edisana mbuọdidem ebọp idem ndufo, ebọñ akam ke Adisana Sịbidịd.