1 Kọrint 13:2 - Ñwed Abasi Ke Ikọ Ibibio Ayo Mfịn

² Adieke ami nnieeghe enọ brọfesi ñnyʌñ ñkan ndiọọñọ mme ndịbe-ndịbe ñkpọ ye ifiọk, mmaana nnie mbuọdidem a-akemeke idiime mme ikpọ abod, ado nnieeghe ima, awuọọñọ ikpu-ikpu.

1 Kọrint 13:2 ပူးပေါင်းရင်းမြစ်များ

Matiu 13:11

Anye abọọrọ ammọ, “Inọ ndufo ikpọọñ unen adidiọọñọ ifiọk ndedịbe ñkpọ abio ubọọñ Abasi, idooho mbon mfen.

Matiu 17:20

Anye abọọrọ, “Sia mbuọdidem ndufo ado ata etək-etək. Ntañ akpanikọ inọ ndufo, ekpenie mbuọdidem akpesʌkkọ asịp nte ñkpasi mọstad, emekeme ibo abod ami, ‘Dakka ke itie ami kaa ko, ndin anye ayaadakka.’ Ñkpọ ndomokeed idiikanna ndufo.

Matiu 21:19

Ke anye akịtte eto fik keed ke mben usʌñ, anye asaña akpere eto ami, ado anye ikikịtte idem ndomokeed, ibọhọke mfañ ikpọọñ. Ndin anye abo eto ami, “Uduuñwịmme mfịd aba.” Idahado-idahado, eto amaayeeme.

Matiu 21:21

Yisọs abọọrọ, “Ami ntañ akpanikọ, adieke ndufo enieeghe mbuọdidem ndin inieeghe eyịghe, idooho se ekenam eto fik ado ikpọọñ ke ndufo ekeme inam, ado ndufo emekeme ibo abod ami ‘Kaa keduọ dʌk akpa mmọọñ,’ ndin ayaanyʌñ atịppe ntodo.

Utom 13:1

Mme andikpeeb ñkọrọ mme brọfed emaeba ke ufọkabasi ke Antiọk: Banabas, Simiọn e-ekekoodo Naiya, Dusiọs awo Sirin, Manen (a-akedʌññọ ye adaiwuod ukara, Herọd) ye Sọọd.

Ñwed Mbon Rum 11:25

Ñyeeme ndufo edo mme anana ifiọk ke ata ndịbe ñkpọ ami, nditọete, mbaak ndufo ediikko ediduak idem ndufo: Nsọñiwuod nditọ Isred idooho ke nsi-nsi adikpeene tutu afịd ibad mbon mme Yentaid edʌk edi.

Ñwed Mbon Rum 15:14

Mme nditọete mmi, ami ke idem mmi mmekịt nte, ke ndufo ke idem ndufo emeyọọhọ ye etiido, e-eyọọhọkke ye ifiọk ye ukeme adikpeeb keed aken ñkpọ.

Ñwed Mbon Rum 16:25

Idahami enọ anye a-akemeke adisọọñọ ndufo ke ikọ Abasi ye ke adisiak ntọd Yisọs Krais nte asañake akekem ke adiyaara ndedịbe akpanikọ e-ekedịppedịp ke mme uwak emana a-amaekeboiyo,

1 Kọrint 11:4

Awodeen ake adodo a-abọññọ akam me atañ brọfesi ke ini anye afʌkkọ iwuod amọ, anọ iwuod amọ emiom.

1 Kọrint 12:28

Ndin ke ufọkabasi, Abasi amek ke akpa itie mme abọsịd, udiana mme brọfed, ayọhọ ita mme andikpeeb, ndin mme anam utịbe ñkpọ, ndin mbon se inie enọ ukọk udọñọ, mbon e-ekemeke inwam mbon mfen, mbon enieeghe enọ ndadusʌñ, ye mbon e-esemme nsio-nsio usem.

1 Kọrint 13:1

Adieke ami nsemme usem mme awo ye ake mme enyere, ado nnieeghe ima, ami nnam uyom nte akpañ-kpañ.

1 Kọrint 13:3

Adieke ami mbenne afịd inie mmi nnọ mme uwueene mmaana nsaana idem mmi nte yak efọp, ado nnieeghe ima, udod indoroke ba keed.

1 Kọrint 13:8

Ima akenanam ikpuuhọ. Ado ke itie nte brọfesi aba, ami ayaatre; itie nte nsio-nsio usem ebañña, eyaedobo; itie nte ifiọk aba, ayaaboiyo ifep.

1 Kọrint 14:29

Brọfed iba me ita akpena etañ ikọ, ndin mbon ñko ana enekke edomo se ammọ etaña.

1 Kọrint 14:39

Ke ntodo, nditọete mmi, isọp idem aditañ brọfesi, ikiinyʌñ ikpan adisem nsio-nsio usem.

1 Kọrint 14:4

Awo a-asemme ke usem anọ idem amọ ukpeeb, ado awo a-atañña brọfesi adịppe idaha ufọkabasi.

1 Kọrint 15:51

Ikpañ utọñ, ami idọkkọ ndufo ndịbe-ndịbe ñkpọ: idooho afịd ñnyịn idiikpa, ado afịd ñnyịn iyaikpəhọ

1 Kọrint 16:22

Adieke awo ndomokeed miimaaha Abọọñ, sueñ utọ awo ado! Di, O Abọọñ!

1 Kọrint 4:1

Ke ntodo, akpena mme awo idat ñnyịn nte mme nditọufọk Krais ye mbon e-enọọhọ adudu ete ediọọñọ mme ndedịbe ñkpọ Abasi.

1 Kọrint 7:19

Adinịm mboppo me aditre adinịm mboppo idooho ñkpọ ndomokeed. Adinịm ibed Abasi ado akpan ñkpọ.

1 Kọrint 8:4

Ke ntodo, kebaña adidia ndidia uwa e-enọọhọ mme ndem: Ñnyịn imidiọọñọ “Ke ndem idooho ba ñkpọ ndomokeed ke ederimbod” ñko “Ke Abasi ibaaha ikan Abasi keed.”

2 Kọrint 12:11

Mmekappa ndo ndisịme; ado ndufo ekennək esịn do. Akpena ndufo ekentooro miin, sia ami nsịppesịp ñkan mme “ikpọ ndịk abọsịd,” akpesʌk ado ami mendooho ñkpọ ndomokeed.

Kadesia 5:16

Ke ntodo, ami mbo, idu uwem ke Sịbidịd, ndin ndufo idiibọọhọ uyʌkkọ ke mme udọñ abʌkidem.

Kadesia 5:22

Ado mfịd Sịbidịd ado ima, idadesịd, emem, ime, mfọnido, eti uwem, mbuọdidem,

Kadesia 6:3

Adieke awo akereke ke imọ ido ñkpọ ke ini anye mmiidooho, anye abiaaña idem amọ.

Efisọs 3:4

Ke adikood ami ndin, ifiọk ake ami nnieeghe mbaña ndedịbe ñkpọ Krais ayainwaña ndufo,

Efisọs 6:19

Ibọñ akam innọ miin ñko, ite yak ini ake adodo ake ñkʌppọke inua, ennọ ikọ nọ ñtañ uko-uko, nọ nnam nọ ediọọñọ mme ndedịbbe ñkpọ eti mbʌk,

Kodosi 1:26

ndịbe-ndịbe ñkpọ e-ekedịppe ke uwak isua ye mme uwak emana, ado idahami eyaara enọ mme ndisana awo.

1 Timoti 3:16

Eniin akuuba ke atu ndufo abaña ido ukpono Abasi ñnyịn sia ado ekamba utịbe ñkpọ: Ado anye akeyaara idem amọ ke ikpọkidem, anye ado Andinen ke Sịbidịd mme enyere emaekịt anye. Emaekwọrọ anye ke atu mme idịd, emaenịm anye ke akpanikọ ke ederimbod, ndin eben anye edọọk ke ubọọñ.

1 Yọọn 4:8

Awo ake mmiinieeghe ima idiọọñọke Abasi, sia Abasi ado ima.