1 Kọrint 11:2 - Ñwed Abasi Ke Ikọ Ibibio Ayo Mfịn

² Ami mmitoodo ndufo ke adintoiyo miin ke afịd ñkpọ ñko ye adimʌm mme ukpeebñkpọ kpa naña ñkekpọñ ammọ inọ ndufo.

1 Kọrint 11:2 ပူးပေါင်းရင်းမြစ်များ

Eti Etob Naña Duk Awet 1:6

Ammọ awo iba emaenam se ifọn ke iso Abasi, esaña ke afịd mme ibed ye ewʌghọ Abọọñ Abasi, enana ndo.

1 Kọrint 11:17

Ke mme ewʌhọ ami, ami nnieeghe itooro ndomokeed inọ ndufo, sia mme mboho ndufo anam idiọọk akan eti.

1 Kọrint 11:22

Ado nte ndufo inieeñeke ufọk se ndufo edia enyʌñ enwọñ ndin ndufo edi? Me ado nte ndufo emiom ufọkabasi enyʌñ esuenne mbon a-mmiinieeghe ñkpọ? Nso-o ke ndiitañ ye ndufo? Me ñyaitooro ndufo? Utọ ado ibaaha!

1 Kọrint 15:2

Ato ke eti etob ami ndufo ebọ adinyaaña, adieke ndufo esọọñọke eda ke se ñkekwọrọ inọ ndufo. Mmiidooho ntodo adinịm ke akpanikọ ndufo ado ukpọk.

1 Kọrint 4:17

Sia ntak ado anam ndọñ Timoti, adima ayịn mmi a-anamma akpanikọ ke Abọọñ, nte ibịne ndufo. Anye ayaitoiyo ndufo usʌñ edu uwem ke Krais Yisọs, a-asañake akekem ke se ami ñkpeeb ke afịd-afịd ufọkabasi.

1 Kọrint 7:17

Daña akpedodo, yak keed amʌm itie ke uwem a-Abọọñ anịmme anọ anye ye ake Abasi akekoodo anye. Ibed ami ke ami nnịm ke afịd ufọkabasi.

1 Tesadonia 1:6

Ndufo emaikpebe ñnyịn ye Abọọñ, ikereke akpọsọñ ndutʌkkọ, ndufo emaebọ etob ke inemesịd a-Adisana Sịbidịd anọọhọ.

1 Tesadonia 3:6

Ado Timoti adisʌk nto ukañ ndufo ndisịm ñnyịn ado ami ndin anye adat eti etob ami adi abaña mbuọdidem ye ima ndufo. Anye atañ inọ ñnyịn abo ke ndufo afịd ini emenie nti ñkpọ se etoiyo ebaña ñnyịn ndin ndufo emeyem adikịt ñnyịn kpa naña ñnyịn ñko iyem ikịt ndufo.

2 Tesadonia 2:15

Ke ntodo, nditọete, isọọñọ ida inyʌñ imʌm ukpeebñkpọ a-ñnyịn iyakka inọ ndufo ikama, atooho ke ikọ inua me anyʌñọ ato ke deta.

2 Tesadonia 3:6

Ke anyịñ Abọọñ Yisọs Krais, ñnyịn inọ ndufo ewʌhọ, nditọete, ite ediañña ekpọñ afịd ifu nditọete a-mmiisañake ikikem ke ukpeebñkpọ ndufo e-ebọọhọ eto ñnyịn.