1 Kọrint 1:9 - Ñwed Abasi Ke Ikọ Ibibio Ayo Mfịn

⁹ Abasi, anye a-akikoodo ndufo asịn ke ewana ye Ayịn amọ Yisọs Krais Abọọñ ñnyịn, ado anam akpanikọ.

1 Kọrint 1:9 ပူးပေါင်းရင်းမြစ်များ

Matiu 24:35

Anyọñ ye isọñ eyaeboiyo efep, ado ikọ mmi ndomokeed idiiboiyoke ifep.

Yọọn 17:21

nọ afịd ammọ edo keed, Ete, ukem-ukem naña afo aba ke ami, ami ñnyʌñ mba ke afo. Yak ammọ ñko eba ke ñnyịn nọ ederimbod enịm ke afo akendọñ miin.

Ñwed Mbon Rum 11:17

Adieke usʌk mme ñkọk emaekebʌññọ ewuọ, ndin afo, ñkọm afo ado ọdif a-akọttọ ke akai ikọd, ekpukpịkke eben edian ke atu mme ñkọk mbon ñko afo awuana idahami ke udeme ndʌp uwem a-atooho eti adʌñ ọdif,

Ñwed Mbon Rum 8:28

Nko ñnyịn imidiọọñọ ibo ke afịd ñkpọ, Abasi anam ke ufọn mbon e-emaaha anye, e-ekoodo ekeene uduak Abasi.

Ñwed Mbon Rum 8:30

Ndin ammọ ado a-anye amaakemeemek, anye ñko akood; ammọ se anye amaekeakood, anye ñko anam ammọ enen; mbon se anye anam enen anye ñkọ anọ ammọ ubọọñ.

Ñwed Mbon Rum 9:24

kpa ñnyịn, a-anye amaakekood, idooho mme Yuu ikpọọñ ado mme Yentaid ñko?

1 Kọrint 1:30

Ado ato ke anye ke afo aba ke Krais Yisọs, a-amaakekappa ado aniọñ ake atooho Abasi, ado ado, etiido ñnyịn, adisana ye adifakka.

1 Kọrint 10:13

Ibaaha idomo i-isịmme ndufo a-adooho akenam isịmme awo mfen. Abasi ado anam akpanikọ; anye idiiyakka ndufo enie idomo se ikpon ikan se ekeme adiyọ. Ado ke ini edʌkkọ idomo, anye ayaasio usʌñ nọ ato do ekan eyọ idomo ado.

1 Kọrint 10:16

Nte ukpək ekọọm a-ñnyịn inọọhọ ekọọm idooho ewana ke iyiib Krais? Awuọ uyo a-ñnyịn ibuuñọ idooho ewana ke ikpọkidem Krais?

2 Kọrint 1:18

Sia Abasi adooho anam akpanikọ, ikọ a-ñnyịn ikwọrọke inọ ndufo idooho “Ih” ye “Iyoo.”

Kadesia 1:15

Ado ke ini Abasi a-akensiooho miin asaña-asaña anịm tọọñọ ke emana mmi a-akenyʌññọ añkood ke mfọn amọ, anemme esịd

Kadesia 2:20

Emaeñkoñ miin mme Krais ke ntodo ami nduuho aba uwem, ado Krais adu ke ami. Uwem ake ami nduuho ke abʌkidem, ndu ke adibuọd idem ke Ayịn Abasi, a-akemmaaha miin ayaak idem amọ annọ.

Efisọs 3:6

Ndedịbe ñkpọ a-abaaha ado, ke ntak ikọ Abasi mme Yentaid edoñño mme adia akpa mme ubon Isred, e-ebatta edian keed ke ubon Abasi e-enyʌññọ ewuaana keed ke enwọñọ ke Krais Yisọs.

Kodosi 1:24

Idahami, ami ndat esịd ke ufen e-kebọọhọ inọọ ndufo, ndin ami ñyʌkkọ ke abʌkidem mmi se idibaaha ke abaña ukuud Krais, ke ntak ikpọkidem amọ, a-adooho ufọkabasi.

1 Tesadonia 2:12

ke adisọọñọ ñkpad, ñka iso nnọ ndọñesịd ndin ñnyʌñ nsʌk ikpekpek ndufo adidu uwem a-asañake akekem ke se Abasi ayem, anye i-ikoodo ndufo asịn ke abio ubọọñ ye itooro amọ.

2 Tesadonia 2:14

Anye akiikood ndufo anọ ami ato eti etob ñnyịn nọ ato do ndufo ekeme adiwuana ke ubọọñ Abọọñ ñnyịn Yisọs Krais.

2 Tesadonia 3:3

Ado Abọọñ ayọhọ mme mbuọdidem, ndin anye ayainọ ndufo adudu anyʌñ ifak ñko asio ke ubọk anam idiọọk ñkpọ.

2 Timoti 1:9

anye i-inyaañake ñnyịn anyʌñ ikood ñnyịn ate idu adisana uwem, itooho ke se ñnyịn inam ado ato ke uduak ye mfọn amọ a-anye akinọọhọ ñnyịn ke Krais Yisọs, mbemiso ntọọñọ ederimbod.

2 Timoti 2:13

Adieke ñnyịn mminamma akpanikọ, anye asʌk ado anam akpanikọ, sia anye mmiikemeke adikpəghọ ñkpọñ uduod amọ.

Taitọs 1:2

mbuọdidem mme ifiọk a-akọñọke ke idodanyen nsi-nsi uwem, ake Abasi, anye a-mmiisʌhọke nsu, a-akeñwọñọke mbemiso aditọọñọ ini,

Ibru 10:23

Yak ñnyịn itʌm imʌm mbuọdidem a-ñnyịn isitañña ibaña, ikiidunyeeñe, sia anye a-akenamma enwọñọ ye ñnyịn adooho anam akpanikọ.

Ibru 11:11

Ke mbuọdidem Ebraham, akpesʌk ado nte ini amaakeboiyo anye ndin Sera ke idem amọ akedooho ada, emaenam anye akan akappa ado ete sia anye amaadiọọñọ anye a-akenamma enwọñọ nte anye a-adooho anam akpanikọ.

Ibru 2:17

Ato ke ntak ami akena enam anye nte ammọ nte awo ke afịd usʌñ, nọ ato do anye akan akappa ado akwa aku Abasi ke mbọm ye mbuọdidem ke adinam utom Abasi nọ ato do afeen idiọọkñkpọ mme awo.

Ibru 3:1

Ke ntodo, ndisana nditọete e-ewanake ke ikood, iwuuk mme akikere ndufo ke Yisọs, andido abọsịd ye akwa aku a-ñnyịn itañña ase ibaña.

Ibru 3:14

Ñnyịn imidi adiwuana ke Krais adieke ñnyịn idiikan isọñ ubọk imʌm mbuọdidem a-ñnyịn ikinieeghe ke akpa ikama tutu asịm utịd.

Ibru 6:18

Abasi akenam ami nọ ato do, ke mme ñkpọ iba e-emmiikemeke adikpəhọ, a-Abasi ñko mmiikemeke adisʌhọ nsu, ñnyịn i-imaiikifeeñe idimʌm idodanyen e-enyanna inọ nte añkọ adimʌm ukpọñ ñnyịn, ma anye asọọñọ ada kwak!

1 Bita 5:10

Ndin Abasi afịd mfọn a-akikoodo ndufo ate edidʌk ke nsi-nsi ubọọñ amọ ke Krais, ke ini ndufo emaekekịt ukuud ke etək ini, ayaamaana idʌt ndufo adat anyʌñ anam enie adudu, nsọọñọnda ye ñkaiso.

1 Yọọn 1:3

Ñnyịn itañ inọ ndufo ibaña se ñnyịn ikịt ye se ikop, nọ atoodo ndufo enie ewana ye ñnyịn. Ndin inie ewana ye Ete ye Ayịn amọ, Krais Yisọs.

1 Yọọn 1:7

Ado ñnyịn ikpisaña ke unwana, naña anye aba ke unwana, ñnyịn inie ewana ye emọ-emọ awo, ndin iyiib Yisọs, Ayịn amọ, ayet ukeed ndiọiñkpọ ñnyịn afep.

1 Yọọn 4:13

Ñnyịn idiọọñọ ke ñnyịn imidʌñ ke anye, ke anye ñko adʌñ ke idem ñnyịn, ke anye amaakenam ñnyịn inie udeme ke Sịbidịd amọ.

Adiyaara 19:11

Mmaakịt abio ubọọñ Abasi naña ana inwañ, ke iso mmi afia enañ mbakara ada, ekood andiwad anye Nsọọnọda ye Akpanikọ. Ke unen anye akpe ikpe anyʌñ anwana ekọñ.