1 Bita 5:9 - Ñwed Abasi Ke Ikọ Ibibio Ayo Mfịn

⁹ Esọọñọ eda ke mbuọdidem inwana ye anye, sia emediọọñọ ke ubon mme andinịm ke akpanikọ ke afịd ekondo esʌk ebọ ukem ndutʌkkọ ami.

1 Bita 5:9 ပူးပေါင်းရင်းမြစ်များ

Eti Etob Naña Duk Awet 22:32

Ado ami mmaabọñ akam unọ fiin, mbaak mbuọdidem mfo adikpu, mbaak naña uduutịmme udemme ke mbuọdidem afo akan asọọñọ nditọ usọ idem.”

Yọọn 16:33

“Ami idọkkọ ndufo mme ñkpọ ami, ma ndufo enie emem ke ami. Ke ederimbod ami ndufo eyaekịt mfịna. Ado isọñ esịd! Ami mmekan ederimbod.”

Utom 14:22

esọọñọ mme ibed idem, enyʌñ edọñ ammọ esịd ete esọñ eda ke akpanikọ ye ke mbuọdidem. Ammọ emaebo mme ibed ete, “Ana ñnyịn iboiyo ke uwak ndutʌghọ nọ ikan idʌk abio ubọọñ Abasi.”

1 Kọrint 10:13

Ibaaha idomo i-isịmme ndufo a-adooho akenam isịmme awo mfen. Abasi ado anam akpanikọ; anye idiiyakka ndufo enie idomo se ikpon ikan se ekeme adiyọ. Ado ke ini edʌkkọ idomo, anye ayaasio usʌñ nọ ato do ekan eyọ idomo ado.

Efisọs 4:27

ñko kuunyʌñ unọ andidiọọk ndomo mbeñe ufañ adiboiyo ndʌk.

Efisọs 6:16

Ke edianna ke afịd ami, iben ñkpọekọñ mbuọdidem ikama, e-ediidat inịme akpọsọñ idañ ikañ andidiọọk.

Kodosi 2:5

Sia ñkọm ami membaaha mme ndufo ke abʌkidem, ami mmeba mme ndufo ke sịbidịd ñnyʌñ nnem esịd edikịt naña ndufo enam ñkpọ esaña ke item mme naña mbuọdidem ndufo ke Krais asọọñọ ada.

1 Tesadonia 3:3

mbaak awo ndufo ndomokeed adiduọ ke mme idomo ami. Ndufo emetʌm ediọọñọ ebo ke emaimek ñnyịn enọ mme ñkpọ ami.

1 Timoti 6:12

Nwana eti anwan mbuọdidem, sọọñọ mʌm nsi-nsi uwem kama, e-emaekukood fiin ete abọ anie, a-afo akenyʌññọ ayaara ke iso uwak ntiense.

2 Timoti 3:12

Ke akpanikọ, eyaedutʌkkọ ukeed awo e-yemme edidu eti uwem ke Krais Yisọs.

2 Timoti 4:7

Mmenwana eti anwan, mmekweeñe nduba mmi, mmemʌm mbuọdidem mmi ñkama.

Ibru 11:33

e-eketooho ke mbuọdidem ammọ enwana ekan mme abio, ekpekpe unen ikpe enyʌñ ebọ se emaekenwọñọ; mbon e-ekekʌppọ mme ekpe inua,

Ibru 12:8

Adieke ndufo miibọọhọ ntʌnọ (ndin afịd awo e-ebọ ntʌnọ) awuọ ndufo idooho ata nditọ.

Yemsi 4:7

Isuuk idem ndufo ndin inọ Abasi. Ibiọọñọ andidiọọk, ndin anye ayaafeghe ikpọọñ ndufo.

1 Bita 1:6

Ke ntodo, ndufo enekke idaara, akpesʌk ado idahami, ke etək ini, nsio-nsio idomo ayainam ndufo eba ke mfʌhọ.

1 Bita 2:21

Ekikood ndufo ebo adinam ado; sia Krais ke Idem amọ amaakịt ufen ke ntak ndufo, anyʌñ akpọñ uwọt ñkpọ inọ ndufo, ate ndufo esañake nde ikpad Imọ.

1 Bita 3:14

Ado, adieke ndufo ekịtte ndutʌkkọ ñko ke ntak unenido, asʌk afọfọn inọ ndufo. Ikiifeghe ñkpọ se ammọ efeghe; ekiinyʌñ ikop ndịk.

1 Bita 4:13

Ado idaara naña ekeene ewana ke ndutʌkkọ Krais, ma idaara ndufo anekke akpon ke ini adiyaara ubọọñ amọ.

Adiyaara 1:9

Ami Yọọn, ayịnete ye nsaña ndufo ke edibọ ukuud ke ntak abio ubọọñ mme ediyọ ke ime a-adooho ake ñnyịn ke Yisọs, ñkeba ke isuọ Badmus ke ntak ikọ Abasi mme ntiense abañake Yisọs.

Adiyaara 6:11

Ndin emaenọ ammọ keed-e-keed afia afọñidem, enyʌñ ebo ammọ yak esʌk emaana ebet etək-etək tutu mme ibed ye mme nditọete ammọ ke Krais e-ekenaaha ewood, nte ammọ ñko, ekem ibad.

Adiyaara 7:14

Ami mmaabọọrọ nte, “Ete! Afo amediọọñọ.” Ndin anye abo “Mbon ami edoñño mbon e-ewuọọñọke ke ekamba ukuud edi, ammọ emaeyeed mme afọñidem ammọ enyʌñ enam efia ke iyiib Ayịn Edọñ.