Yelsom 8:5 - mzwDBL

⁵ Umee le pua hɛŋle ɡbo harɛ ta dɛɛ ba dɛ kpɔ o te dawɛ o sɛno nɛɛ nɔɔ? N iro che daa waa dɛ nɔnɛ lɔɡa, dɛ lawɛ ir bela baa lolɛ la.

Yelsom 8:5 ပူးပေါင်းရင်းမြစ်များ

2 Webena 32:8

Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

Yela 63:8

Mɛɛ lawɛɛ kpoŋe kiŋkiŋ, ásɛ he tɔ n nɛɛ he kpeɡri ne.

Yela 63:9

Nɛra baa dɛ nyin n kpoe, ɛɛ serewoo kaa lalabwɛ.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Yelsom 3:11

Jerusalam haahna, hé le ba, dɛ́ ba na Kooro Solomɔn kooɡbɛrɛ o nya aa kpɔa piu, awola o sie aa lɛa kohona wɛɛ ɛ o hanfalwaa la.

Yelsom 3:4

Maa dena ɡar ba n den na n sɛnodɛɛɡe la. N bamu ŋɔ maa ɡel ó kaa, ka tel kɛŋɔ maa ba o ne n nya dem, bela baa lol mɛ.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Yelsom 4:8

N hanfale, le Lɛbanɔn bwea dor dɛ́ ba n be, le Lɛbanɔn bela ba n be. Le Amana Bwejen doa tu ba, Senir ne Hɛmɔn Bwejena dor, bela nyujentena ne nonietena aa lole.

Yelsom 6:10

Umee wera tolo kɛŋɔ bɔr aa dɛ chaah nɔɔ? O wer kɛŋɔ korobie, dɛɛ chaah kɛŋɔ wee.

Yelsom 8:1

N dɛ nyin kɛ he fe aa ɛ n nimambie, n ne he bwa aa ɔr n nya el. Anee dɛ́ ɡel n ne he chemo aa, n fe ɡbaare pɛl n te nɛra baah, nomɛlbwa aa wola won pwaah mɛ.

Aesaya 36:6

Na, dɛ Ijipt kooro nɛɛ he kpɔ he te dawɛ aa, a do kɛŋɔ haa kpɔ pul ɛ daŋɡbala, asɛ o ku dɛ tɔɡɛ he nɔn. Gɛɛ Ijipt kooro do tɛ nɛra baa kpɔ ba te dawɛ o nɛɛ bwa.

Aesaya 40:3

Nomɛl dɛ bol waa takpeɡ ne pua hɛŋle ɡbo harɛ ta ŋɔ, “Nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.

Aesaya 43:19

Hɛ́ɛ no! N dɛ ba wefale bɛl ɛɛ. Taraken o dɛ le, he ta on nae yaa? Mɛɛ bil ŋwɛnɛ pua hɛŋle ɡbo harɛ taa, dɛ́ ɡel nenabɔɔne chɔ harɛ la ta.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Hosia 12:4

Jekɔb ne nyundua torome su luɡe asɛ Jekɔb pɔ o nɛ, o wio dɛ soŋe nyundua torome la ŋɔ ó sweero andɛɛɡa. Korowii ba o be Bɛtel dɛ bol waa o be bela.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Amanesoma Jɔn Aa Chwera Tɔn 13:23

Dɛ ba bini bɛl Yeesu aa dɛ nyinu kohona la soɡo kpaɡɔ.

Tɔn Pɔɔl Aa Chwerɛ Rom Tena 7:4

Yabala, Yeesu Kristo seo waa sewa la, a ɛo kɛŋɔ he ne onee pɛa sewɛ. Anomanta, he toole Mmara lɔɡa. Mmara la aa kpeɡri di he nɛɛ kpa kɛŋɔ haah jaa sewaa, waa wola toole hahmor Mmara lɔɡa kpa la. He berɔ ɛ Yeesu Kristo waa ir seo ta la nɛra, ásɛ dɛ won ɛ Korowii toma, he waa dɔ tɔnɔ o be.

Galaasia 4:19

N bii maa lolɛ heyaa Yeesu Kristo waa ta, he ta he da charɛ dɛ do kɛ Yeesu Kristo aa, he ɡelɔ n tea berɛ dɛɛ wee mɛ kɛ lol tea aa dɛ we haah la.

1 Pita 1:21

O nɛɛ a che he yarada Korowii. Korowii ɡee iru seo ta dɛ tɛo jirima. Anomanta, he yarada ne he hwɛɡa haa dɛ hwɛɡɛ la, Korowii nɛɛ a bwa do.

Wepila 12:6

Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.