Yelsom 8:12 - mzwDBL

¹² N daa koo ɛ n ɡbo kon n won kpɔ tɛ. Kooro Solomɔn, he ken dɔ suuɡapoŋa kaɡboŋ, asɛ paara baa dɛ nyiŋi koo la ta ɡe dɔ suuɡapoŋa lafraanɛ.

Yelsom 8:12 ပူးပေါင်းရင်းမြစ်များ

Sɛɡla 27:18

Dɛ he nyiŋi fiɡ daa ta kɛrɛdɛ naa, he dɔ o nɔna dɛɛ di, ɡɛɛ dɛ bonɔɔ tomɛ o dɔɔ kɛrɛdɛ naa, wɛɛ dɔ sɔn.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Yelsom 1:6

Bɛ men ɡɛɛh, n bira maa bira wa, weeree ɡela n bir. N nimanar baah di n nɛ dɛ ɡel n kaa ɛ daa koo bini toma, n ta bɔr dɔe dɛ nyiŋi n daa koo ta.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Yelsom 8:11

Dɛ Kooro Solomɔn dɔ daa koo Baal Hamɔn, dɛ kpɔ tɛ paara ba lɛ dɛɛ parɛ o ta. Dɛ bɛlbwa chɛ kɛ o kpɔ suuɡapoŋa kaɡboŋ baa tɛo.

Yelsom 8:13

N sɛnodɛɛɡe, n bala bwa chemo dɛɛ kpa, ɡel ń no he taa le bodɛɛɡe haa du daa la.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

1 Kɔrent 6:20

dɛkalkɛŋɔ o kpɔ Yeesu Kristo chal yawɛ heya. Anomanta, hé nyiŋi he bwadabii ta kɛrɛdɛ, dɛ́ kpɔ tomɛ Korowii dɛ́ tɛo sɔn.

2 Kɔrent 5:15

O sewɔ tɛ nɛra bwa. Anomanta, nɛra baa soɡe le la ta chɛ kɛ ba so ba ɡbaɡba soɡa kpa. Bá so tɛ naate waa sewa tɛɛ ba asɛ Korowii iru seo ta la.

1 Tesalonika 2:19

Ya sie beɡra aa beɡra nɔ, he bee ya hwɛɡa ne silɛɛ do. He waa ya Dɔɔ Yeesu ɛɛ ba yaa tɔɔ dawa, ya hɛɡre awola waa ba ya ba che o sie la.