Yelsom 7:5 - mzwDBL

⁵ He sɔn ɡɔɔrɔ kɛŋɔ Kaamɛl Bwejen. He nyumpona jaŋne dɛ bir dɛɛ nyɛɡle, hale kooro kwaraa pɛla dɛ lawɛ.

Yelsom 7:5 ပူးပေါင်းရင်းမြစ်များ

Mumpar 32:26

Baa la ŋɔ, “Kpɔ mɛ ta n kaa, bɔr dɛ chaah.” Asɛ Jekɔb ŋɔ, “Maa hen ta, nemenɛ haa swee andɛɛɡa tɛ mɛ mɔɔ.”

Yela 68:24

N Naa Korowii, nɛra bwa nae he valɛ baa kaa, Korowii maa dɛ tomɔ o ɛ n kooro la baa jo o Dea bini.

Yela 87:2

O dɛ nyin bwɛjen la, dɛ ɡwaa Israel harɛ bobɛlbwa.

Sɛɡla 5:19

O wer kɛŋɔ diɡi ken, o we-ɛɛla ɡe do wer, ɡel he sie ɛɛ lɛ o nɛ, hɛɛ nyinu kohona saŋ bɛlbwa.

Yelsom 1:17

Peleme dolii ba kpɔ chiɡri ya dea, asɛ dadɛɛɡa bwa soo siwi ɡee ba kpɔ ɡoo.

Yelsom 4:1

N sɛnodɛɛɡe, na ɡɛ haa wera! He wer kohona to! He kpɔ yal bɔle he nyu, asɛ he siwinyiŋi do kɛŋɔ borɔnoma sibie. He nyumpona biro kɛŋɔ bombiŋere aa tua le Gelead Bwejen doa dɛɛ ba.

Yelsom 4:4

He baŋa jaŋne dɛ siɡri, dɛ do wer, kɛŋɔ Kooro Devid dejaŋ ken. He baŋa kwaa saɡre teŋɛ dɔŋa nɛɛ kɛŋɔ, kwaa baa kpɔa dɛɛ tɔ ɡbemɡbe laa ta anjeɡre kaɡboŋ.

Yelsom 5:11

O siebɔr wer dɛɛ nyɛɡle kɛŋɔ suuɡaswɛm tenten, o nyumpona ɡuɡro dɛ do wer, dɛ bir kɛŋɔ ɡaahɡaah ken.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Nɛra Kura 21:26

Dɛ Hɛsbɔn fa ɛ Amɔre Kooro Sihon bwɛjen waa soɡe o ta, o ne Moab kooro bɛl yo laa, asɛ Kooro Sihon lɛ o harɛ bwa ka jaɡɛ Aanɔn Moo ta.

Matiu 18:20

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Ɛfesos 1:22

Korowii kpɔ komɛlbwa ne nomɛlbwa bil Yeesu Kristo sie o tire ba nɛ, dɛ berɛ ɡel o ɛ asɔre tena bwa nyu,

Kolosi 1:18

Onee asɔre tena bwa nyu, ba ɡee o bwadabi. Onee tɔ sie komɛlbwa nɛ, dɛ tɔ sie ir seo ta nomɛlbwa nɛ, dɛkalkɛŋɔ on chɛ kɛ ó ɛ nomoa komɛlbwa nɛ.

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Wepila 1:14

O nyumpona too kpelkpel kɛŋɔ yabi, o sibie ɡe ɛɛ nyɛɡle kɛŋɔ ninlao ken.