Yelsom 7:4 - mzwDBL

⁴ He baŋa jaŋne dɛ siɡri kɛŋɔ dejaŋ baa kpɔ bala nyen ɛo ken. He sibie dɛ nyɛɡle kɛŋɔ bwɛjen Hɛsbɔn taama aa lɔ Bat Rabbim doonyoa. He mee toɡrɔ kɛŋɔ Lɛbanɔn dejaŋ o sie aa chaɡɛ bwɛjen Damaskɔs.

Yelsom 7:4 ပူးပေါင်းရင်းမြစ်များ

Yelsom 4:4

He baŋa jaŋne dɛ siɡri, dɛ do wer, kɛŋɔ Kooro Devid dejaŋ ken. He baŋa kwaa saɡre teŋɛ dɔŋa nɛɛ kɛŋɔ, kwaa baa kpɔa dɛɛ tɔ ɡbemɡbe laa ta anjeɡre kaɡboŋ.

Yela 144:12

Gel ya bibaala bonɔɔne saŋ do kɛŋɔ daa baa nyiŋi a ta kɛrɛdɛ, á kpeɡ dɛ́ do kpeɡri. Gel ya bihaahna ɡe do kɛŋɔ pilare baa paaɡa koodem, a ɡel o do o wer la.

Hibru 5:14

Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Yelsom 6:5

Laa sie kpɔ n nɛ, ásɛ ba bɛ men lawɛ. He nyumpona biro kɛŋɔ bombiŋere aa teŋɛ dɔŋa nɛɛ tu le Gelead deŋɡarere ta dɛɛ ba.

Yelsom 4:1

N sɛnodɛɛɡe, na ɡɛ haa wera! He wer kohona to! He kpɔ yal bɔle he nyu, asɛ he siwinyiŋi do kɛŋɔ borɔnoma sibie. He nyumpona biro kɛŋɔ bombiŋere aa tua le Gelead Bwejen doa dɛɛ ba.

Yelsom 1:10

Na ɡɛ he siebɔr ne deŋna kwa aa wera, he baŋa ne suuɡaswɛm baŋa kwaa ɡe do wer.

Yela 45:8

He laala sɔɔh tɔ konsɔɔhsoma bwa soo siwi, ba kpɔ bala nyena kwaa he kooderemi, yelɡoola kpɔ janjela lɔ yela, dɛɛ lɛ he sie.

2 Webena 8:6

ne bwɛjen Baalat ne bwɛjena waa dɛ cheɡ laala a ta bwa, dɛ bwɛjena o jaɡre ne kwaa aa do kɛ torɔɡore ba vɔwɛ dɛɛ pɛl jaɡre aa lole. O berɔ ɡel ba ma komɛlbwa waa dɛ nyin Jerusalam, ne Lɛbanɔn dɛ harɛ waa dɛ di kora o ta bwa.

1 Koranar 22:39

Kooro Ahab bwara waa ne o kora ne koodem waa doa dɛ kpɔ bala nyen kwaa o bini ne bwɛjena waa ma danjwɛɛ bara bwa, ba chwera do Israel Koranar Waa Tɔne bini.

1 Koranar 10:22

Dɛ kooro dɔ stiimaere baa kpɔa dɛɛ di bona mpo ta a ja Kooro Hiram kwaa baa kpɔa dɛɛ ɛ toma la ta. Bene atoro bɛlbwa a dɛ ba suuɡaswɛm ne suuɡapoŋa ne bala nyena, dɛ ɡbɛɛne bwa soo siwi ne.

1 Koranar 10:18

Kooro Solomɔn berɔ ɡel ba kwaa kookara waa kana. Ba kpɔ bala nyen ɛ o pera, asɛ o kabora ɛ suuɡaswɛm tenten ba ɛ dawɛ o ta.

1 Koranar 9:19

ne bwɛjena baa do deene dɛɛ cheɡ kwaa a bini ne bwɛɛre kwaa baa vɔwa pɛl jaɡre ne o jaɡre aa dɛ do, ne komɛlbwa o pɛla aa dɔa kɛŋɔ ó ma Jerusalam, ne Lɛbanɔn ne harɛ la bobɛlbwa waa dɛ di o ta kora.

1 Koranar 7:2

Dea bɛl lɔ koodem bela baa yerɔ Lɛbanɔn Kɔr Bini Koodem. O jaŋne lɔ naɡale lafa fifraanue, o paɡri ɡe ɛ naɡale fifraanuanɛ dɛ anue, asɛ o jaŋne dɛ́ kaa nyundua ɡe naɡale fifraanaarɛ dɛ anue. Ba paaɡe peleme dachiɡri a teŋɛ dɔŋa nɛɛ bele anaarɛ dɛ lawɛ peleme dabaŋa aa ɛ doli kpoŋe.

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

Mumpar 15:2

Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

Yelsom 4:5

He ela wer kohona, a do kɛ kweɡli bii anɛ, aa dɛ di kpɔɡa fee bini ken.