Yelsom 7:13 - mzwDBL

¹³ Kwaa fee sɔɔh lɛ bɔr bwa, asɛ silɛɛ kwaa bwa soo siwi, ambena ne anfala bar yaa cheme, asɛ he waa do n bambile bini, mɛɛ nyin he ɡbo wa.

Yelsom 7:13 ပူးပေါင်းရင်းမြစ်များ

Mumpar 30:14

Rubin aa baa kpeɡ la, o la koo jaaɡe koma saŋ, dɛ ka kpɔ kwaane aa won ɡela baa ne haah ɛɛ nyin dɔŋa dɛ́ dɔ bii ba tɛ o nya Lea. Asɛ Rakɛl ŋɔ o be ŋɔ, “Tɛ mɛ he bie kwaa nɔ ane.”

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Yelsom 4:13

Kwaa aa lɔ bela kpeɡo dɛ do wer. A do kɛŋɔ daa bɛl baa dɛ yerɔ pɔmeɡranet dɛɛ nɔnɛ nɔndɛɛɡa. Kwaa aa sɔɔh aa soma ne alele ta bela nyae,

Yelsom 4:16

Weekaŋle nyundua peu ir, ásɛ weekaŋle harɛbɔr peu ɡe ta. Ta kpɔ bodɛɛɡe maa du daa la, ásɛ daa la sɔɔh yɛɛ kaa bojaŋ. Gel n sɛnodɛɛɡe ba jo daa la baah, dɛ́ di a nɔna aa soma la.

Yelsom 6:11

N la almɔn daa koo ta, dɛ́ ka na kɛŋɔ mɛɛ na a fee, kɛɛ dɛ́ na ɡrepo ne pɔmeɡranet daa fee.

Yelsom 8:1

N dɛ nyin kɛ he fe aa ɛ n nimambie, n ne he bwa aa ɔr n nya el. Anee dɛ́ ɡel n ne he chemo aa, n fe ɡbaare pɛl n te nɛra baah, nomɛlbwa aa wola won pwaah mɛ.

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

1 Kɔrent 2:9

A ɡɛ waa nɔ waa ba faa chwerɛ dɛ ŋɔ, “Waa nomɛlbwa aa wola a dɔŋa nae, nomɛlbwa aa wola a waa noɛ, nomɛlbwa ɡe aa wola an liire laanee Korowii ɛ cheɡ nɛra baa dɛ nyin o wa.”

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Felepae 1:11

N dɛ soŋo kɛ he che Yeesu Kristo kpeɡri la ta dɛ́ won dɛɛ ɛ wedɛɛɡa kɛrɛdɛ, ásɛ nɛra ɛɛ tɛ Korowii sɔn ne jirima.

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.