Yelsom 6:8 - mzwDBL

⁸ Dɛ haŋkoranar fifraanumɛl, ne sɛnanar fifraanuatoro, dɛ toli baa wola baala jemɛ mɔɔ, baa wola nyoa dɔe kwara baa che naa,

Yelsom 6:8 ပူးပေါင်းရင်းမြစ်များ

Yela 45:14

O do batakaarejaŋ ba sɔh kwaa dawɛ o ta, baa ba o ne hen kooro be, o toli teŋɛ o nɛ, baa ba ba ɡe ne he be.

1 Koranar 11:3

O mo haahna baa ɛ koobii lafraanuanɛ, o sɛnanar ɡe lafraatoro. O haahna la ɡelɔ o liire charɛ le Korowii be.

Yela 45:9

Koranar bihaahna ja haahna baa dɔ jirima, dɛ do he dem nɛ, asɛ hanfale do kwaa baa kpɔ suuɡaswɛm tenten ɛa, dɛ che he diɡ pera.

1 Koranar 11:1

Ijipt Kooro bihaah Kooro Solomɔn aa moo la habɔɔ, o berɔ nyin Moab ne Amɔn ne Edom ne Sidon dɛ Hiti tena bihaahna.

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,

2 Webena 11:21

Dɛ Kooro Rɛhoboam dɛ nyin Absalɔm bihaah Maaka dɛ ɡwaa o haahna ne o sɛnanar bwa. Dɛ o haahna lɔ fi dɛ banuatoro, asɛ o sɛnanar ɡe lɔ fifraanumɛl. O bibaala lɔ fifraanɛ dɛ banuatoro, asɛ bihaahna ɡe lɔ fifraanumɛl.

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.