Yelsom 6:4 - mzwDBL

⁴ N sɛnodɛɛɡe, he wer tolo, kɛŋɔ koobwɛjena Tirsa ne Jerusalam. He waa dɔ jirima kɛŋɔ laa tena baa kpoŋe fraŋkaare.

Yelsom 6:4 ပူးပေါင်းရင်းမြစ်များ

1 Koranar 14:17

Ate, Kooro Jɛroboam haah la ir dɛ le kaa o bwɛɛ Tirsa. Waa dena dɛɛ tel dem dɛ bie la dɛ sewɛ.

1 Koranar 15:21

Kooro Baasa aa no ɡɛ la, o ɡel danjwɛɛ la mae dɛ bar Rama dɛ ka so Tirsa.

1 Koranar 15:33

Bentooro te ta Kooro Asa aa di kora Juda harɛ taa Ahija bibaa Baasa di Israel kora dɛ so Tirsa. O di kora bene fifraanɛ dɛ anaarɛ.

Yela 48:2

Korowii Saayɔn Bwejen wer, dɛ do jaŋne kohona, koojen la bwɛjen kpɔ silɛɛ baa tɛ harɛ nɔ ta nɛra bwa.

Yela 48:3

Korowii lɔ o bwɛjen la ta, dɛɛ nyiŋi nɛra baa lɔ o ta nɛ.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yelsom 4:7

N sɛnodɛɛɡe, he wer kohona to, kirihiah bɛlbwa toole he nɛ.

Yelsom 5:2

Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Yelsom 6:10

Umee wera tolo kɛŋɔ bɔr aa dɛ chaah nɔɔ? O wer kɛŋɔ korobie, dɛɛ chaah kɛŋɔ wee.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Wepila 21:2

N berɔ na Korowii bwɛjen Jerusalamfale o le Korowii be dɛɛ ba harɛ. Korowii kwaaro kɛrɛdɛ kɛŋɔ hanfale yon kpɔ o te dɛɛ ba o jaa be la.