Yelsom 6:10 - mzwDBL

¹⁰ Umee wera tolo kɛŋɔ bɔr aa dɛ chaah nɔɔ? O wer kɛŋɔ korobie, dɛɛ chaah kɛŋɔ wee.

Yelsom 6:10 ပူးပေါင်းရင်းမြစ်များ

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Job Tɔn 11:17

He soɡa bini ɛɛ chaahnoo dɛ ɡwaa webaŋa, ásɛ he wenaale aa do kɛŋɔ biro la do kɛŋɔ chɔmbibi wechɛn ken.

Job Tɔn 31:26

n na ɡɛ wee aa dɛ lɔ dɛɛ chaah bɔr, kɛɛ korobie kaala ne o wer waa doa,

Yela 14:5

Baa ɔmɔɔ ba bwara ɛɛ sa, jae Korowii aa ja nɛra ba wa aa toɡra la nɛɛ wa.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Yelsom 6:4

N sɛnodɛɛɡe, he wer tolo, kɛŋɔ koobwɛjena Tirsa ne Jerusalam. He waa dɔ jirima kɛŋɔ laa tena baa kpoŋe fraŋkaare.

Yelsom 8:5

Umee le pua hɛŋle ɡbo harɛ ta dɛɛ ba dɛ kpɔ o te dawɛ o sɛno nɛɛ nɔɔ? N iro che daa waa dɛ nɔnɛ lɔɡa, dɛ lawɛ ir bela baa lolɛ la.

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 13:43

Ásɛ name nɛra baa dɛ ɛ wedɛɛɡa ba wa ɛɛ su Korowii siwi la chaah kɛŋɔ wee ken ba Mɛɛ Kora la ta bela. Nomɛlbwa waa no la, ó no.”

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Wepila 1:16

O kpoŋe weweela anuanɛ o nɔndiɡ ta, asɛ tokobijen sie anɛ te waa nyɛɡa ɛɛ le o nyoa. O siebɔr ɡe dɛ nyɛɡle kɛŋɔ wee aa dɛ lɔ kpeɡri nɛɛ la.

Wepila 10:1

Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Wepila 12:1

N na wejena ane aa ɛ nyokpo wa dɛɛ baɡle waane Korowii doa. Haah bɛl kpɔ wee tɔ, dɛ kpɔ korobie ɡe do o nakpale lɔɡre, dɛ ɡuɡri weweela fi dɛ anɛ pi o nyu, kɛŋɔ kooɡbɛrɛ ken.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.