Yelsom 5:6 - mzwDBL

⁶ N ya ɡbera ŋɔ n sɛno fee ba jo kɛ o kaalɔ, n ta on nae. N bambile chɔɡ kaala waa kaala wa, asɛ n nyin o bɔr n ta on nae, n yerɔ ɡe o ta chaŋɛ.

Yelsom 5:6 ပူးပေါင်းရင်းမြစ်များ

Yelsom 5:2

Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.

Amanesoma Mak Aa Chwera Tɔn 14:72

Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.

Matiu 26:75

asɛ Pita lii ɡɛ Yeesu fa aa ŋɔ o be ŋɔ, “Jabal ne sii dɛ he tɔɔh ŋɔ haa men jemɛ kera atoro bwa” la. Waa lii a ɡɛ waa nɔ la, o le dahara dɛ ka wi lokua ne.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Hosia 5:15

Ásɛ n berɛ kaa n buɡ ta bela maa lole ka tel kɛŋɔ baa sɛh ba chɔɡre. Baa dɛɛ nyin n sie dɛ na, ásɛ a noo ba aa, bá ɡaaɡe n bɔr sibeɡra ne.”

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Wiile 3:8

Hale n kpɔ takpeɡ yerɛ dɛ soŋe Korowii ŋɔ ó cha mɛ kwaraa naa, waa n be no.

Aesaya 58:2

Ba dɛ tom mɛ tɔpere bɛlbwa, dɛɛ nyin n ŋwɛnɛre dɛ jemɛ, dɛɛ ɛ kɛŋɔ ba waa toɡrɔ, á do kɛŋɔ ba ta Korowii Mmarare vɛɛh. Ba dɛ soŋe waa aa toɡra n be, dɛɛ nyin kɛ n bɛn ba.”

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 50:2

N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Aesaya 8:17

Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Yelsom 6:1

Haah waa wera kohona haahna bwa bini, leperaa he sɛnodɛɛɡe kaalɔ? Baɡle yaa bela waa kaala, ásɛ ya chae hé nyin o bɔr.

Yelsom 5:4

N sɛno ha nɔn lawɛ ɡbera, asɛ n bambile ɛɛ lɔ o wa.

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Yela 80:4

Korowii Waa Ɛ Koranar Bwa Kooro, saŋ besoo he bandia nyoa ɛɛ ba sɔɔhna, he nɛra wesoŋa ta nɔ?

Yela 77:3

N Naa Korowii, n lii he wa aa, n bambile chɔɡɔ mɛɛ hime. N lii he wa aa, n bwara dɛ yɔr.

Yela 69:3

N wio noe ŋɔ hé ba cha mɛ, dɛ ba koh, n lobi bwa holɔ. N nyiŋi he siwi ta, he ba cha mɛ kahonɛ.

Yela 30:7

N Naa Korowii, haa sune n nɛɛ la, he ɡelɔ n che kiŋkiŋ kɛŋɔ bwejen ken. Kɛ haa laa sie kpɔ n nɛɛ la, n ɔmɔ kohona.

Yela 28:1

N Naa Korowii haa do kɛ Bwetal dɛ che n habɔɔ, henee n wi dɛɛ yerɛ. No n wii maa dɛ wi nɔ! He laa deŋna kpɔ n be naa, mɛɛ doo kɛŋɔ nɛra baa serewa ka chɔ lalabwɛɛ ken.

2 Samoɛl 16:10

Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

Mumpar 42:28

Anee o ŋɔ o bala la be ŋɔ, “Ba berɛ n suuɡa tɛ mɛ. Anee lɔ n bɔɡtɔ bini la.” Ba bwara yɔrɔ, asɛ ba kpɔ bochela dɛ ŋɔ dɔŋa be ŋɔ, “Bɔkwa waa Korowii ɛ yaa ken?”