Yelsom 5:2 - mzwDBL

² Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Yelsom 5:2 ပူးပေါင်းရင်းမြစ်များ

Mumpar 29:20

Anomanta, Jekɔb koh Rakɛl waa dɛ ɛ toma tɛ Laban bene anuanɛ. Nyina waa dɛ nyin Rakɛl kohona la ɡelɔ bene anuanɛ la do kɛŋɔ tɔpera tamaa ane ken o be.

Yela 119:1

Nɛra ba we-ɛɛla aa toɡra, baa teŋɛ Korowii Mmarare ta la, ba na som.

Yela 81:10

Menee Korowii haa dɛ tomɛ, n le he ne Ijipt harɛ ta la. Hé waa dɔ kasinteŋ tɛ mɛ naa, mɛɛ tɛ heya kondikwaa kɛŋɔ, jumbie aa dɛ tɛ o bii la.

Sɛɡla 23:26

N bie, cheɡ deŋne kɛrɛdɛ, ásɛ dɛ kpɔ n da.

Yelsom 1:16

Na ɡɛ haa do pwɛre, n sɛnodɛɛɡe, he waa dɛ lɛ n sie kohona. Kpɔɡlwɛɛ ɛ ya chɔɔbɔr.

Yelsom 2:10

Baa maa dɛ nyinu ŋɔ n be ŋɔ, “Ir che, n sɛno, n sɛnodɛɛɡe, ásɛ n ne he kaa.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yelsom 2:8

N dɛ no n sɛno taa. O tuo le bwejena dor warane, dɛ chwa kpɔ deŋɡarere dor dɛɛ ba n be.

Yelsom 3:1

Maa chɔ n kalaŋ ta jwaana bwa la, n lii n sɛnodɛɛɡe wa. N nyin o bɔr, kɛ n ta on nae.

Yelsom 4:7

N sɛnodɛɛɡe, he wer kohona to, kirihiah bɛlbwa toole he nɛ.

Yelsom 4:9

N hanfale ne n sɛnodɛɛɡe, he ɡelɔ n bambile lawɛ kohona, he nyiŋ mɛ kerabeŋkpoŋ he waa lɛ n liire, he baŋa kon beŋkpoŋ haa doa la wa.

Yelsom 5:11

O siebɔr wer dɛɛ nyɛɡle kɛŋɔ suuɡaswɛm tenten, o nyumpona ɡuɡro dɛ do wer, dɛ bir kɛŋɔ ɡaahɡaah ken.

Yelsom 5:6

N ya ɡbera ŋɔ n sɛno fee ba jo kɛ o kaalɔ, n ta on nae. N bambile chɔɡ kaala waa kaala wa, asɛ n nyin o bɔr n ta on nae, n yerɔ ɡe o ta chaŋɛ.

Yelsom 6:9

n sɛnodɛɛɡee wera tolo kohona kɛŋɔ borɔnoma. O ɡboo mɛɛ nyin, onee o nya bihambeŋkpoŋ ɡbo waa dɛ nyinu kohona. Bitoli nao waa, ba dɛ yerɔ nɛn waa na som, haŋkoranar ne sɛnanar dɛ kpɛɛro.

Yelsom 7:9

asɛ he nyoa som kɛŋɔ sensoma tenten. Gel sensoma la palɛ bɔeeh, ka kpɔ n sɛnodɛɛɡe nyotɔn ne o nyena ta bwa.

Yelsom 8:7

Mpo neerare aa won dime nyina nii, mojena bwa ɡe aa won su dɛ́ pala kaa. Hale dɛ nomɛl ŋɔ wɛɛ kpɔ o dea suuɡa bwaa yawɛ nyina aa, mamaa baa ba o mama.

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Aesaya 52:14

Nɛra warɔ dɛ nao ba bwara yɔr, ɡɛ baa ɛo, o siebɔr ne o bwadabii beɡre dɛ doŋ kohona la, o ta nɛn leɛ kwaraa kpa.

Daneɛl 8:18

O ta aa dɛ bol waa n be la, n sie bir mɛ n chole, asɛ o laɡ mɛ ir che chiŋ.

Sekaria 4:1

Korowii nyundua torome la o ne men Sekaria fa aa bol waa la berɔ ba chum mɛ kɛŋɔ nɛn yon chɔ dom ba chumu la.

Matiu 7:8

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Matiu 8:17

Anɔ nɔɔ ɡela Korowii keame Aesaya waa waa bola bil la ɛ kasinteŋ. O bolɔ ŋɔ, “Onee laa ya ɡwɛɡra ne ya weela kpɔ ya nɛ.”

Amanesoma Mak Aa Chwera Tɔn 1:35

Tɔ aa pera chɔmbibi la, Yeesu iro le dem bela dɛ kaa bela aa hela, dɛ ka soŋe Korowii.

Amanesoma Luk Aa Chwera Tɔn 22:44

O tea bini aa chɔɡa kohona la, o soŋe Korowii siswɛm ne, asɛ bɔwɔb le o nɛɛ dɛ kor dɛɛ lee kɛŋɔ chal ken.

Amanesoma Luk Aa Chwera Tɔn 6:12

Yeesu aa le bela la, o la deŋɡare bɛl ta bela nomɛlbwa aa wola toole, dɛ ka do bela dɛɛ soŋe Korowii jwaana la bwa.

Amanesoma Luk Aa Chwera Tɔn 9:32

Dɛ Pita ne o bala la dɛ chɔ doromi. Ba iro dɛ na Yeesu kɛŋɔ o laala aa toa dɛɛ nyɛɡle al-al ken. Ba na nɛra banɛ la baa ja Yeesu nɛɛ la ɡe.

Amanesoma Jɔn Aa Chwera Tɔn 10:4

O le o ɡbaɡba kwaa la ne naa, o dɛ tɔ a sie ásɛ a teŋɛ o nɛ, dɛkalkɛ a jemɛ o taa.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

Wepila 3:4

He ta dɔ nɛra tama baa wola ɡelɛ a do kɛŋɔ wechɔɡa doŋa do ba nɛ. Mɛɛ tɛɛ ba yapoŋaa bá tɔ, n ne ba valɛ, dɛkalkɛŋɔ ba chɛ ɡɛ.