Yelsom 5:16 - mzwDBL

¹⁶ O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

Yelsom 5:16 ပူးပေါင်းရင်းမြစ်များ

2 Samoɛl 1:23

Kooro Sɔɔl ne Jonatan waa wer ba soɡa bini dɛ dɔ nyokpoa kohona, ba baah ta pere ba seo bini bwa. Ba ɡbaŋre ɡwaa kee bɛlbwa, dɛ do kpeɡri ɡwaa nyujentena.

Yela 119:103

He waa la som n be kohona, a som dɛ ɡwaa tooh kwara.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Yela 19:10

O waa bola dɛ́ pa bole dɔ tɔnɔ, dɛ ɡwaa suuɡaswɛm tenten, a torodi dɛ ɡwaa tohno baa wola komɛlbwa a ta koore.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Yela 89:6

N Naa Korowii, nomɛlbwa toole dɛ do nyundua kɛ hen, koŋkwaa aa lɔ nyundua la bini bɛlbwa ta hen tele.

Yelsom 1:16

Na ɡɛ haa do pwɛre, n sɛnodɛɛɡe, he waa dɛ lɛ n sie kohona. Kpɔɡlwɛɛ ɛ ya chɔɔbɔr.

Yelsom 1:2

Baɡle nyina kohona haa dɔa tɛ mɛ, he nyina dɔ pɛla kohona dɛ ɡwaa sen.

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Yelsom 2:1

N do kɛŋɔ kpɔɡa fee aa lɔ Sarɔn harɛ waa chɔa kaa ta, dɛ do kɛŋɔ kpɔɡa fee aa lɔ nenabɔɔ bini.

Yelsom 2:16

Menee dɔ n sɛnodɛɛɡe, asɛ o ɡee dɔɔ mɛ. O ɡbo peeraa dɛɛ di kpɔɡa aa dɛ fe la bini.

Yelsom 2:3

Gɛ apol daa aa lɔ kɔr bini, dɛɛ nɔnɛ nɔndɛɛɡa la, ɡɛɛ baa maa dɛ nyinu do wer bonɔɔna bini. N sie lɛo kɛ ń so o chunchule lɔɡa, o nɔna som n nyoa bini.

Yelsom 4:3

He nyotɔne swɛɛrɔ kɛŋɔ ŋwɛnswɛm, a ne wobol do wer kohona. He faɡra dɛ nyɛɡle yal bini.

Yelsom 6:3

Menee dɔ n sɛnodɛɛɡe, asɛ o ɡee dɔɔ mɛ, o ɡbo peeraa dɛɛ di kpɔɡa fee aa wera baah ta.

Yelsom 7:9

asɛ he nyoa som kɛŋɔ sensoma tenten. Gel sensoma la palɛ bɔeeh, ka kpɔ n sɛnodɛɛɡe nyotɔn ne o nyena ta bwa.

Jeremia 15:16

Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.

Jeremia 3:20

Kɛ ɡɛ haah o wa aa wola kasinteŋ dɔe tɛ o jaa la, ɡɛɛ he Israel tena wa aa wola kasinteŋ dɔe tɛ mɛ. Men Korowiirii bola.”

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Jems 2:23

Belaa Korowii Tɔn waa la ɛ kpela kɛŋɔ baa ŋɔa ŋɔ, “Abraham yarada Korowii, asɛ o yarada nomanta, Korowii ŋɔ o ɛ nɛndɛɛɡe o waa su o siwi” la. Dɛ ba dɛ yerɔ Korowii dam.

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.