Yelsom 5:15 - mzwDBL

¹⁵ O nakpale wer dɛ do kpeɡri kɛŋɔ pilare baa kpɔ bwedɛɛɡa aa toa ɛa, asɛ a chɔŋɛ suuɡaswɛm loɡa ta. O mar wer dɛ dɔ jirima kɛŋɔ Lɛbanɔn peleme dajaŋa.

Yelsom 5:15 ပူးပေါင်းရင်းမြစ်များ

1 Koranar 4:33

Dɛ o jemɛ daa ne kpɔɡa waa kɛrɛdɛ, hale o baɡle peleme daa aa lɔ Lɛbanɔn dɛ hesɔp aa moɡa tɔ danjwɛɛre ta, ne ola ne jumbii ne kwaa aa dɛ tuuɡi tea ta ne anɔ la aa dɛ huuh dɛ pɛŋa bwa wa.

Yela 80:10

Daa la kpeɡo o kpala tɔ bwejena ta, hale pelema bwa ta.

Yela 92:12

Nɛra ba wa aa toɡra ɛɛ dɛɡoo kɛŋɔ kpor daa ken, baa kpeɡuu kɛŋɔ Lɛbanɔn peleme dajena.

Yela 92:13

Ba do kɛŋɔ daa baa dua Korowii Dea, aa dɛɡ Korowii yaa dɛ tomɔ Dea bela ken.

Kaala 26:19

ásɛ dɛ ɛ suuɡapoŋa loɡa fifraanaarɛ do a mune, o nakpale anɛ la bɛlbwa dɔ beŋkpoŋ.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yelsom 4:11

N sɛnodɛɛɡe, he nyoa nee som kɛ tohnoo ken, wobosoma lɔ he nyoa, he yale sɔɔh som kɛŋɔ Lɛbanɔn yale.

Yelsom 7:4

He baŋa jaŋne dɛ siɡri kɛŋɔ dejaŋ baa kpɔ bala nyen ɛo ken. He sibie dɛ nyɛɡle kɛŋɔ bwɛjen Hɛsbɔn taama aa lɔ Bat Rabbim doonyoa. He mee toɡrɔ kɛŋɔ Lɛbanɔn dejaŋ o sie aa chaɡɛ bwɛjen Damaskɔs.

Wiile 4:7

Jerusalam sitɔɔla waa fa do chasee kɛŋɔ yabi aa toa ken. Ba fa dɔ bwadabii dɛ dɔ bokpeɡa, dɛ je ɡe kohona.

Ɛsekeɛl 17:23

Israel bwejen doaa mɛɛ ba o chɔɔra. Wɛɛ ta kpalaa, dɛ́ do wer dɛ́ nɔnɛ. Jumbii bwa soo siwi ba sɔh a kɔne bela, dɛ́ so o chunchule ta.

Ɛsekeɛl 31:8

Haa won kpɔ peleme daa aa lɔ Eden bodɛɛɡe bela men Korowii aa du daa la maɡɔ. Haa won kpɔ dakpeɡ bɛlbwa soo siwi kpala maɡɛ peleme daa la kpala. Daa aa lɔ Eden bodɛɛɡe bela bɛlbwa toole dɛ do wer kɛ on.

Hosia 14:7

Baa berɔ so ásɛ n kpɔ nɔn tɔ ba nɛ. Israel tena ɛɛ parɛ mea, ásɛ ba wobɛlbwa do wer kɛŋɔ ɡrepo daa aa dɛ nɔnɛ kohona la. Ba sɔn ɛɛ leo kɛŋɔ Lɛbanɔn harɛ ta sen ken.

Sekaria 9:17

Na ɡɛ harɛ la aa dɛ ba wer doe dɛ́ dɔ pɛla! Kondikwaa ne sen aa lɔ harɛ la ta la ɛɛ ɡeloo bonɔɔna ne toli kpeɡ, dɛ́ dɔ bokpeɡa.

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Matiu 28:3

Dɛ he nao waa, o dɛ jajare sie kɛŋɔ bwaala aa nyɛɡla ken, asɛ o laala waa doa la ɡe to kpelkpel kɛŋɔ yabii ken.

We-ɛɛla 2:28

He baɡ mɛ ŋwɛnɛ maa kpɔ dɛ́ dɔ mkpa saŋ bɛlbwa maa na he siwi la, n bwara ɛɛ sɔɔh mɛɛ.’

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Sitɔɔla 13:6

Asɛ haah la la o jaa be ka ŋɔ, “Korowii nɛn bɛl ba n be. O le Korowii nyundua torome, o ɔma kɛrɛdɛ. N ta on bɔɔrɛ bela waa lea, o ta men o sɔn ɡe baɡlɛ.