Yelsom 5:1 - mzwDBL

¹ N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Yelsom 5:1 ပူးပေါင်းရင်းမြစ်များ

Mumpar 37:25

Ba soɡo dɛɛ di kwa, belaa ba ha sie nyiŋi, dɛ na Ismael bonadiire ne ba nyoɡmare aa cheɡɛ konsɔɔhsoma baa dɛ fuah, ne dapɛɡa ane baa dɛ ɛ ane tɛɛɡa, ne korobo le Gelead harɛ baa kaa Ijipt harɛ.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Yela 16:3

Korowii nɛra ba wa aa toɡra harɛ nɔ ta la, ba waa wer n be kɛrɛdɛ, asɛ n bwara ɛɛ sɔɔh mɛ ba waa taeh.

Sɛɡla 24:13

N bie, tohnoo dɔ pɛla dɛ do som, anomanta, bɛ an vɛh.

Sɛɡla 9:5

“Hé ba di kwaa dɛ́ nyɔ sen maa koo kwaa a ta nɔ ane.

Wejereme 2:5

Mɛɛ ɛ bodɛɛɡee dɛ́ du daa bwa soo siwi aa dɛ nɔnɛ.

Yelsom 1:13

N sɛno maa dɛ nyinu sɔɔh som kɛŋɔ korobo, dɛ do n ela baah.

Yelsom 4:16

Weekaŋle nyundua peu ir, ásɛ weekaŋle harɛbɔr peu ɡe ta. Ta kpɔ bodɛɛɡe maa du daa la, ásɛ daa la sɔɔh yɛɛ kaa bojaŋ. Gel n sɛnodɛɛɡe ba jo daa la baah, dɛ́ di a nɔna aa soma la.

Yelsom 4:8

N hanfale, le Lɛbanɔn bwea dor dɛ́ ba n be, le Lɛbanɔn bela ba n be. Le Amana Bwejen doa tu ba, Senir ne Hɛmɔn Bwejena dor, bela nyujentena ne nonietena aa lole.

Yelsom 6:11

N la almɔn daa koo ta, dɛ́ ka na kɛŋɔ mɛɛ na a fee, kɛɛ dɛ́ na ɡrepo ne pɔmeɡranet daa fee.

Yelsom 6:2

N sɛnodɛɛɡe kaa bodɛɛɡe waa du daa konsɔɔhsoma aa su o bwa. O sie dɛ lɛ a ta dɛ kaa nyin ane, dɛ kaa nyin kpɔɡa fee aa wera.

Yelsom 8:1

N dɛ nyin kɛ he fe aa ɛ n nimambie, n ne he bwa aa ɔr n nya el. Anee dɛ́ ɡel n ne he chemo aa, n fe ɡbaare pɛl n te nɛra baah, nomɛlbwa aa wola won pwaah mɛ.

Yelsom 8:13

N sɛnodɛɛɡe, n bala bwa chemo dɛɛ kpa, ɡel ń no he taa le bodɛɛɡe haa du daa la.

Aesaya 23:18

Ba tɔnɔ baa dɔ ne ba suuɡa baa dɔa la, baa a taa tɔ. Baa kwaaraa cheɡ á ɛ Korowii kwa, ásɛ nɛra baa dɛ tomɔ la kpɔ yawɛ kondikwaa kohona dɛ́ di dɛ́ yawɛ ba bwara laaladɛɛɡa baa dɛ nyin bwa.

Aesaya 5:1

Mɛɛ ɡo nɛn maa dɛ nyinu yelee. Gɛ yel nɔ ɛ n chamenate, ne o daa koo yel. O para deŋɡare harɛdɛɛɡe bɛl ta.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Aesaya 58:11

Dɛ he ɛ ɡɛ naa, anee dɛ́ ɡel men Korowii baɡle heya ŋwɛnɛ saŋ bɛlbwa dɛɛ la, dɛ́ berɛ tɛ heya kondɛɛɡa pua hɛŋle ɡbo harɛ ta he di, dɛ́ do kpeɡri. Dɛ́ berɛ ɡel he do kɛŋɔ bodɛɛɡe haa du daa sɔn do o ta saŋ bɛlbwa ken, kɛɛ bule waa wola hweeh bwa la.

Aesaya 61:11

Gɛ konduuli yon pere harɛ dɛ le, dɛ kpeɡ la, ɡɛɛ Nemenɛ Korowii ɛɛ ba o nɛra lɛɛ, ásɛ harɛre nɛra bwa kpɛɛro.

Aesaya 65:13

Anomanta, Nemenɛ Korowii ŋɔ, “N bonɔɔna ɛɛ dɔ kondikwaa di dɛɛ nyɔ sen kohona, kɛ he te, lɔr ne nyɔɡre ɛɛ kpo heyaa taeh. N bonɔɔna sie ɛɛ lɛo, kɛ he te ɛɛ di sihiih.

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Amanesoma Luk Aa Chwera Tɔn 12:4

Yabala, n dɛ ŋɔ he be ŋɔ, he bɛ nɛra baa dɛ ba wona kpo heyaa baa wola won ɛ waane kpa la ɔmɛ.

Amanesoma Jɔn Aa Chwera Tɔn 3:29

Hanfale jaaree dɔ o haah. Kɛ, dɛ hanfale jaa la dam lɔ hanfale la waa bɔr dɛ no o nyoa bela aa, dɛ o sie lɛo. Gɛɛ n ɡe bwara sɔɔh mɛ kohona.

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Sitɔɔla 14:11

Baa na Samsen la, ba tɛo bonɔɔna fifraatoro ba so o jwɛh.

Sitɔɔla 14:20

Haah la mɛɛ berɔ kpɔ Samsen haah la tɛ o dam tɛnte waa soɡe o jwɛh hanfalkondikwaa la mun la.