Yelsom 4:8 - mzwDBL

⁸ N hanfale, le Lɛbanɔn bwea dor dɛ́ ba n be, le Lɛbanɔn bela ba n be. Le Amana Bwejen doa tu ba, Senir ne Hɛmɔn Bwejena dor, bela nyujentena ne nonietena aa lole.

Yelsom 4:8 ပူးပေါင်းရင်းမြစ်များ

1 Koranar 4:33

Dɛ o jemɛ daa ne kpɔɡa waa kɛrɛdɛ, hale o baɡle peleme daa aa lɔ Lɛbanɔn dɛ hesɔp aa moɡa tɔ danjwɛɛre ta, ne ola ne jumbii ne kwaa aa dɛ tuuɡi tea ta ne anɔ la aa dɛ huuh dɛ pɛŋa bwa wa.

2 Koranar 5:12

Anɔ bwa habɔɔ, bwɛjen Damaskɔs Mojena Abana ne Faapar laa wera Israel harɛ ta neerare bwa ta, ń fee ka sɔ n bwara kwaa raa?” Anomanta, o laa berɛ bandia ne dɛ kaa.

1 Webena 5:23

Manasɛ dea pera tena la warɔ, dɛ so le Basan harɛ ta, dɛ kpoŋe kaa Baal Hɛmɔn ne Senir, dɛ Hɛmɔn Bwejen ta.

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

Yela 72:16

Gel boyu perɛ harɛ nɔ ta, ásɛ mea ɡe bu deŋɡarere bwa dor. Gel a ɛ kɛrɛdɛ kɛŋɔ anɔ la aa lɔ Lɛbanɔn harɛ bwejena dor, ásɛ nɛra ɡe su bwɛjena la ta, kɛŋɔ kpɔɡa aa lɔ koo ta ken.

Yela 76:1

Nɛra baa lɔ Juda harɛ ta jemɛ Korowii, hale Israel harɛ ta tena dɛ́ bol ŋɔ Korowii sɔn kan.

Yela 76:4

N Naa Korowii, he jirima kan, he kpɔ le bwejena haa yo he dɔma, dɛ pɔ ba nɛɛ a ta la dor.

Yela 89:12

Henee ta weekaŋle nyunduabɔr, ne weekaŋle harɛbɔr. Tabɔ ne Hɛmɔn Bwejena ɡo yela dɛɛ kpɛɛre kɛŋɔ nɛra aa dɛ ɡo yela ken.

Sɛɡla 9:6

Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

Yelsom 2:13

Fiɡ daa nɔna pa mun dɛɛ ɛ bie, daa fee sɔɔh tɔ bobɛlbwa. Ir che n sɛno, ir ba n sɛnodɛɛɡe, ásɛ n ne he kaa.”

Yelsom 5:1

N sɛnodɛɛɡe ne n hanfale, n ba bodɛɛɡe maa du daa. N boa n konsɔɔhsoma ne korobo bwa nyoa. N di n tohvaahna ne n tohno, dɛ nyɔ n sen ne na-elne. N daamanar, hé di kondikwa dɛ nyɔ sen. Hé nyɔ ɡɛ bɛlbwa ɡɛ haa won.

Yelsom 7:11

N sɛnodɛɛɡe, ba yá kaa bwɛɛ dahare, ya kaa ka chɔ bwɛjeɡre la ta jwaana.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Ɛsekeɛl 27:5

Hɛmɔn Bwejen taa ba le dakpeɡa ne dɛ ba kwaare. Dɛ le peleme daa ne Lɛbanɔn dɛ ba kwaa dajaŋ yal waa baŋre he ta la ta.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Mmarare 3:25

N dɛ soŋe, le n ne Jɔɔdan Moo nɔ baŋ n ka na harɛdɛɛɡe la, ne deŋɡarere harɛ dɛ Lɛbanɔn harɛ la.’

Mmarare 3:9

Hɛmɔn Bwejen nɔ, Sidon tena dɛ yerɔ Sereɔn, Amɔre tena ɡee yerɔ Senir.

Josua 12:1

Koranar Israel tena aa yoo ba dɛ pɔ ba nɛɛ dɛ lɛ ba harɛre laanee nɔ. Harɛre la le Jɔɔdan Moo wee leebɔr, dɛ le Aanɔn Fɛlembɔjen dɛ kaa Jɔɔdan Fɛlembɔjen ta, dɛ kpoŋe kaa Hɛmɔn Bwejen weekaŋle nyundua. Koranar banɛɛ ba yo dɛ pɔ ba nɛ.