Yelsom 4:6 - mzwDBL

⁶ Mɛɛ ka so deŋɡare daawiile a sɔɔh aa soma, ne korobo aa lɔ o taa, ka tel chɔɔbɔr ɡɛ saŋ biro aa wola toole kpa.

Yelsom 4:6 ပူးပေါင်းရင်းမြစ်များ

Yela 66:15

Mɛɛ kpoo peeraa bá fuh ɛ saraha he saraha kon la ta, dɛ́ lawɛ pebala ne nabala dɛ boohna ba tɛɛ, ásɛ a ninchuu la tɛr dɛɛ kaa nyundua.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Kaala 30:8

A chɛ kɛ ó berɛ ɛ ɡɛ tenten jɔmɔra bɛlbwa waa baa choŋi kandere la, ásɛ daawiile la ɛɛ fuh tɔperee te bwa men Korowii sie, ka tel ba naanar baa ka ba nɛ.

Kaala 37:29

O ɛ noo aa do ɡoroŋ baa kpɔa dɛɛ do nɛn sɔfore ta, ne daawiile baa dɛ fuah, ɡɛ nɛn waa dɔ a wejema aa dɛ ɛa la.

Yelsom 2:17

Laa berɛ ba, n sɛnodɛɛɡe, ka tel kɛ bɔr aa chaahna biro bɛlbwa aa wola toole kpa, dɛɛ chwa kɛŋɔ chwae kɛɛ kweɡlibale, waa lɔ Bɛtɛr Bwejena dor.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Yelsom 4:14

ne safrɔn, ne kalamus ne sinamɔn, ne korobo, dɛ konsɔɔhsoma aa wera bwa soo siwi.

Yelsom 8:14

N sɛnodɛɛɡe, ɛ warane ba n be, chwa ba warane kɛŋɔ kweɡla kɛɛ kweɡlibale waa le bwejena konsɔɔhsoma aa lɔ o ta doa.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Amanesoma Luk Aa Chwera Tɔn 1:78

N Naa Korowii tea aa dɛ domɛ nɛn nɛɛ kohona nomanta, wɛɛ ɡeloo o wee ɛɛ chaah yaa,

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

1 Jɔn 2:8

Kɛ ŋwɛnɛ bɛl ɡe ta la, a ɛ wefala, dɛkalkɛ biro dɛ kaa. Bochaah tenten balɔ, asɛ bɔr ɛɛ chaah kɛrɛdɛ. Yeesu we-ɛɛla ne he ɡbaɡba we-ɛɛla baɡle a ɡɛ waa nɔ mun.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.