Yelsom 4:3 - mzwDBL

³ He nyotɔne swɛɛrɔ kɛŋɔ ŋwɛnswɛm, a ne wobol do wer kohona. He faɡra dɛ nyɛɡle yal bini.

Yelsom 4:3 ပူးပေါင်းရင်းမြစ်များ

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Yela 119:13

Mɛɛ dɛɛ bol he waa haa kpɔa baɡ mɛ laanee nɛra be.

Yela 37:30

Nɛra ba wa aa toɡra nyoa wejemwaa do, ba nyoa waa aa wera ne kasinteŋ do.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Sɛɡla 10:13

Wejereme wobol binii wejema do, kɛ ɡɛne te, lɔɔraa baa lɔɔro.

Sɛɡla 31:26

O dɛ bol wejemwa, dɛɛ baɡle waa aa ɛ kasinteŋ.

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Yelsom 4:11

N sɛnodɛɛɡe, he nyoa nee som kɛ tohnoo ken, wobosoma lɔ he nyoa, he yale sɔɔh som kɛŋɔ Lɛbanɔn yale.

Yelsom 5:13

O faɡra wer kɛŋɔ bodɛɛɡe baa du daa konsɔɔhsoma su o bwa. O nyotɔn do kɛŋɔ kpɔɡa fee aa wera, korobo noo pweoh.

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

Yelsom 6:7

He faɡra dɛ nyɛɡle yal bini. A do ɡuleɡule kɛŋɔ daa bɛl baa dɛ yerɔ pɔmeɡranet nɔna.

Yelsom 7:9

asɛ he nyoa som kɛŋɔ sensoma tenten. Gel sensoma la palɛ bɔeeh, ka kpɔ n sɛnodɛɛɡe nyotɔn ne o nyena ta bwa.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Lewi Dea Tena 14:4

ó ŋɔ ba nyin jumbii anɛ aa wera ne dii, ne peleme daa ne jiseswɛm, dɛ hesɔp daa ba tɛ weela te baa dɛ ba o doŋa laa dɛ kpɔ o nɛɛ la.

Lewi Dea Tena 14:6

Ó kpɔ onɔ la waa wola on kpoe la ne peleme daa la, ne jiseswɛm la ne hesɔp daa la bwa pɛ su jumbie baa kpoo la chal la ta,

Nɛra Kura 19:6

Sɔfo Eliasa chɛ kɛ ó kpɔ peleme daa ane, ne hesɔp ne pee pona baa doa konswɛɛma ta nao waa dɛ fuh la nɛ.

Nɛra Kura 4:8

Bá kpɔ yaswɛm bɔle ɡɛ laala la ta, dɛ́ berɛ kpɔ mpo nae tɔne bɔle a ta ja, ásɛ mɔɔ dɛ́ kpɔ daa baa kpɔa dɛɛ che teebur la suuɡi o nɔnloɡa aa lɔ o loŋkoni la ta.

Matiu 12:35

Nɛndɛɛɡe wedɛɛɡa ɛɛ taa a che baa jemɛ wedɛɛɡa aa lɔ o bambile bini. Gɛɛ ba che nɛnchɔɡe ɡe wechɔɡa ɛɛ ta dɛɛ jemɛ wechɔɡa aa lɔ o bambile bini.

Amanesoma Luk Aa Chwera Tɔn 4:22

Belaa nɛra la bwa kpɛɛro. Ba nyoa kpo ɡɛ o nyoa ne wobol aa soma la, asɛ ba ŋɔ, “Josef bie la laa nɔ naa?”

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.

Hibru 9:19

Mosis tɔ sie baɡle waa bwa Korowii aa ŋɔa ó nɛra la ɛ dɛ le Korowii Mmara Tɔn bini, mɔɔ dɛ kpɔ nabie ne boohna chale koo nee ta, dɛ kpɔ pee pona aa swɛɛra ne hesɔp ɛ chal ne nee la merɛ Korowii Mmara Tɔn la ne nɛra la bwa nɛ.

Josua 2:18

Waa yaa dɛ nyin he ɛ laanee kɛŋɔ, awola ya laa tena la aa ba jo harɛ nɔ ta la, kpɔ ŋwɛnswɛm nɔ vɔwɛ he tokoro nɔ ta. Ásɛ dɛ yerɛ he nya ne hɛɛh, ne he nimambii ne he nimanar dɛ he lolanar bwa, ba jo he dem bonɔ.