Yelsom 2:17 - mzwDBL

¹⁷ Laa berɛ ba, n sɛnodɛɛɡe, ka tel kɛ bɔr aa chaahna biro bɛlbwa aa wola toole kpa, dɛɛ chwa kɛŋɔ chwae kɛɛ kweɡlibale, waa lɔ Bɛtɛr Bwejena dor.

Yelsom 2:17 ပူးပေါင်းရင်းမြစ်များ

Sɛɡla 5:19

O wer kɛŋɔ diɡi ken, o we-ɛɛla ɡe do wer, ɡel he sie ɛɛ lɛ o nɛ, hɛɛ nyinu kohona saŋ bɛlbwa.

Yelsom 2:7

Jerusalam haahna, n dɛ ŋɔ he be ŋɔ, hé ŋwɛɛ komɛlbwa sɔn ta baɡ mɛ kɛŋɔ, haa n ne n sɛnodɛɛɡe baahnee chɔɡ. He bɛ ya nyina chɔɡ, ka tel kɛŋɔ ya nyina aa tona.

Yelsom 4:6

Mɛɛ ka so deŋɡare daawiile a sɔɔh aa soma, ne korobo aa lɔ o taa, ka tel chɔɔbɔr ɡɛ saŋ biro aa wola toole kpa.

Yelsom 8:14

N sɛnodɛɛɡe, ɛ warane ba n be, chwa ba warane kɛŋɔ kweɡla kɛɛ kweɡlibale waa le bwejena konsɔɔhsoma aa lɔ o ta doa.

Amanesoma Luk Aa Chwera Tɔn 1:78

N Naa Korowii tea aa dɛ domɛ nɛn nɛɛ kohona nomanta, wɛɛ ɡeloo o wee ɛɛ chaah yaa,

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Hibru 10:1

Tɔe Mosis Mmara la tɔ wedɛɛɡa a fa aa lɔ sie dɛɛ ba bala la sie dɛ che tɛa. A fa ta wedɛɛɡa la tenten ɛɛ kɛŋɔ nɛn lileo aa wola o ɡbaɡba ɛɛ la. Anomanta, saraha Mmara la aa ɡela baa ɛ bena bɛlbwa la aa won ɡel nɛra baa dɛ ba a ne la ɛ nɛndɛɛɡa ka tonɛ.

Hibru 8:5

Ba sɔfore toma baa dɛ ɛ la, chaaraa baa chaa ɡɛ baa dɛ ɛa Korowii doa la. A tenten laa. A waa Mosis fa aa dɛ ba Korowii Tɛnte Dea baa dɛ tomɔ o bini la ɛɛ la, Korowii ŋɔ o be ŋɔ, “Nyiŋi dɛ ɛ komɛlbwa kɛrɛdɛ kɛŋɔ maa baɡle bwe la doa la.”

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.