Yelsom 2:14 - mzwDBL

¹⁴ He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yelsom 2:14 ပူးပေါင်းရင်းမြစ်များ

Job Tɔn 9:16

Dɛ n fe yerɔ o sɛh n be naa, maa lii kɛŋɔ o fe ɛɛ no n bee.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Yela 22:3

N jemɔ kɛ he ɛ Korowii Waa Do Goroŋ dɛɛ di kora, henee Israel tena ɛɛ kpɛɛ.

Yela 45:11

He wer ɡelɔ kooro bambile do he nɛ, dɛɛ duuru, dɛkalkɛ he dɔɔree on.

Yela 45:12

Bwɛjen Taaya tena ɛɛ ba koŋkɛɛla nee ba tɛɛ, suuɡa tena ɛɛ nyin bá kpɔ ba kwaa ba di he liire.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 68:13

Nɛra baa kaa dɛ do bela dɛɛ daah peera la, dɔ suuɡapoŋa baa kpɔa dawɛ kwehre kena ta. Suuɡaswɛm dawɛ a kena nyoo dɛɛ nyɛɡle.

Yela 74:19

Bɛ he nɛra baa ɛ nɛŋɡwɛɡra, ɡel tɛ ba dɔma ba nyu bini aa kpeɡa kohona nɔ. Bɛ he nɛra baa dɛ ɛɛ ba hɔhɔrɔwa la waa soh.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 1:5

Jerusalam bitoli, n biro dɛ do wer, n biro kɛŋɔ tɛnte deene aa lɔ Keda pua hɛŋle ɡbo harɛ ta, kɛ dɛ berɛ do wer kɛŋɔ, Kooro Solomɔn koodem pateesanre.

Yelsom 1:8

Haah haa wera haahna bwa bini, haa jemɛ kɛ he teŋɛ peera luɡri ta, dɛ kpɔ he bombiire a kaa di peteɡra la kukujeɡre jwɛh.

Yelsom 5:2

Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Yelsom 8:13

N sɛnodɛɛɡe, n bala bwa chemo dɛɛ kpa, ɡel ń no he taa le bodɛɛɡe haa du daa la.

Aesaya 2:21

Baa kpɔ ɔmee chwa ka jo bwebɔɔne, ne bwejena aa peɡra la baah, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Aesaya 60:8

Stiimaere besoo pɛa dɛɛ ba kɛŋɔ baama, kɛɛ kulukukure aa dɛ ba a kɔne ta nɔɔ?

Jeremia 48:28

Moab tena, hé chwa le he bwɛɛre ta dɛ́ ka so bwea dor. Hé ka sɔh he kɔne bwebɔɔne nyoo, kɛŋɔ borɔnomare ken.

Jeremia 49:16

He mbarafo neɡre heya kohona, he dɛ lii kɛ nomɛlbwa dɛ́ ɔmɛ heya, he dɛ neɡre he te. He soɡe bɔɔne bini bwejena dor. A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela le harɛ.’

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Daneɛl 9:7

N Naa Korowii, he waa toɡrɔ, ya di sihiih fini. Juda ne Jerusalam tena, ne Israel tena haa lɔ yaa peɡre harɛre aa lɔ bojaŋa ne anɔ la aa bɛna ta bwa, dɛkalkɛ ya waa ta kasinteŋ dɔe tɛɛ.

Obadia 1:3

He mbarafo neɡre heya. He soɡe bɔɔne bini bwejena dor, dɛ yon ŋɔ, ‘Umee dɛ́ won ba n ne harɛ nɔ?’

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 3:16

Waa sɔɔ Korowii nee la tonɛ la, Yeesu le nee la ta dɛ ba che baŋ. Nyundua pilo, asɛ o na Korowii Domadɛɛɡe o do kɛŋɔ borɔnoma ken dɛ ba so o nɛ.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Kolosi 1:22

Kɛ name Yeesu Kristo aa baa ɛ nɛn dɛ sewɛ la, Korowii cheɡɛ o seo la ta dɛ kwaa he ne o baah, dɛ ɡel he won do kaih doŋa bɛlbwa aa wola toole he nɛ, nomɛlbwa aa wola he waa dɔe ba dɛ bol awola haa ba che Korowii sie la.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 4:16

Anomanta, hé ɡel ya lɔ bambile dɛ́ tel Korowii waa dɛ sune nɛra nɛɛ dɛɛ cha ba la sie. Wɛɛ na ya sumii dɛɛ cha yaa ɡɛ saŋ aa hiah yaa.

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.