Yelsom 2:10 - mzwDBL

¹⁰ Baa maa dɛ nyinu ŋɔ n be ŋɔ, “Ir che, n sɛno, n sɛnodɛɛɡe, ásɛ n ne he kaa.

Yelsom 2:10 ပူးပေါင်းရင်းမြစ်များ

2 Samoɛl 23:3

Korowii Israel tena aa dɛ tomɔ bol wa, Korowii waa do kɛ Bwetal ba chwa kaa marɔ la ŋɔ n be ŋɔ, ‘Kooro bɛlbwa waa dɛ nyiŋi o nɛra nɛɛ kasinteŋ ne dɛɛ ɔmɛ Korowii la,

Yela 85:8

N dɛ no waa Korowii aa dɛ bol la, o baɡɛ yaa nyoa ŋɔ, dɛ ya ta berɛ kaa ya ɡɛne we-ɛɛla ta naa, wɛɛ tɛ yaa deŋnesɔɔhnaa.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 1:9

N sɛnodɛɛɡe, n kpɔe dɛɛ maɡɛ Ijipt kooro jaaɡɔnee baa vɔwɔ pɛl torɔɡo ta ken.

Yelsom 2:11

Nyiŋi na, waa saŋ baa kaa, bwaala ɡe toole.

Yelsom 2:13

Fiɡ daa nɔna pa mun dɛɛ ɛ bie, daa fee sɔɔh tɔ bobɛlbwa. Ir che n sɛno, ir ba n sɛnodɛɛɡe, ásɛ n ne he kaa.”

Yelsom 2:8

N dɛ no n sɛno taa. O tuo le bwejena dor warane, dɛ chwa kpɔ deŋɡarere dor dɛɛ ba n be.

Yelsom 5:2

Maa chɔa kwaraa la, dɛ n ta dɛ kpɔ liire. N noɔ kɛŋɔ n sɛno aa lɔ ɡbera dɛ ŋɔ, “N hanfale ne n sɛnodɛɛɡe, he wer kɛŋɔ borɔnoma, he ta kirihiah bɛlbwa dii, yaa mɛ ɡbera. Mɛn pwe n nyu bwa, kɔɔla ta jwaana, n nyumpona pwe.”

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Matiu 9:9

Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.