Yelsom 1:8 - mzwDBL

⁸ Haah haa wera haahna bwa bini, haa jemɛ kɛ he teŋɛ peera luɡri ta, dɛ kpɔ he bombiire a kaa di peteɡra la kukujeɡre jwɛh.

Yelsom 1:8 ပူးပေါင်းရင်းမြစ်များ

Yela 16:3

Korowii nɛra ba wa aa toɡra harɛ nɔ ta la, ba waa wer n be kɛrɛdɛ, asɛ n bwara ɛɛ sɔɔh mɛ ba waa taeh.

Yela 45:11

He wer ɡelɔ kooro bambile do he nɛ, dɛɛ duuru, dɛkalkɛ he dɔɔree on.

Yela 45:13

Kooro hanfale lɔ koodem, o wer dɔŋ toole, ba kpɔ suuɡaswɛm ŋwɛɛra sɔh ja ŋwɛɛra baa kpɔa sɔh o batakaarejaŋ la ta.

Sɛɡla 8:34

Nɛn waa dɛ no n waa la, o na som, nɛn waa dɛ so n dem doonyoa kɛɛ dɛɛ kpa bela la, o na som.

Yelsom 1:15

N sɛnodɛɛɡe, na ɡɛ haa do wer, he wer tolo ɡa! He sibie wer kɛŋɔ borɔnoma sibie.

Yelsom 2:10

Baa maa dɛ nyinu ŋɔ n be ŋɔ, “Ir che, n sɛno, n sɛnodɛɛɡe, ásɛ n ne he kaa.

Yelsom 4:1

N sɛnodɛɛɡe, na ɡɛ haa wera! He wer kohona to! He kpɔ yal bɔle he nyu, asɛ he siwinyiŋi do kɛŋɔ borɔnoma sibie. He nyumpona biro kɛŋɔ bombiŋere aa tua le Gelead Bwejen doa dɛɛ ba.

Yelsom 4:10

N hanfale ne n sɛnodɛɛɡe, na ɡɛ n sie aa lɛ he nyina haa dɛ nyin mɛ ta! He nyina dɔ pɛla kohona dɛ ɡwaa sen, asɛ he konsɔɔhsoma sɔɔh ɡwaa daawiile baa dɛ fuah sɔɔh.

Yelsom 4:7

N sɛnodɛɛɡe, he wer kohona to, kirihiah bɛlbwa toole he nɛ.

Yelsom 5:9

Haah waa wera haahna bwa bini, he sɛnodɛɛɡe la korɛ sɛnanar bwa bini kɛɛ? Bɔkwaa ɡela o te ɡbosoroo waa korɛ, asɛ he ŋɔ ya baɡɛ nyoa ɔ?

Yelsom 6:1

Haah waa wera kohona haahna bwa bini, leperaa he sɛnodɛɛɡe kaalɔ? Baɡle yaa bela waa kaala, ásɛ ya chae hé nyin o bɔr.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Amanesoma Jɔn Aa Chwera Tɔn 21:15

Belaa baa di kwaa tonɛ la, o bɔɔ Seemɔn Pita ŋɔ, “Jɔn bie Seemɔn, he dɛ nyin mɛ dɛ ɡwaa banɔ nɔ naa?” Anee Pita ŋɔ, “Ɔɔh, n Dɔɔ, he jemɔ kɛŋɔ n dɛ nyin he wa.” Anee Yeesu berɛ ŋɔ, “Dɛɛ nyiŋi n pebiiri nɛ.”

1 Kɔrent 11:1

Anomanta, hé kpɔ n da ɡɛ maa kpɔ Yeesu da la.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

Hibru 13:7

Hé nyiŋi he nomonome ba fa aa bol Korowii waa dɛɛ baɡle heyaa la. Hé nyiŋi ɡɛ ba fa aa teŋɛ Korowii ŋwɛnɛ ta dɛ ba serewe, dɛɛ yarada Korowii ɡɛ ba fa aa dɛ yaradao la.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Jems 2:21

Ya naa Abraham fe aa dɛ ba o bie Aesek kpoe dɛ tɛ Korowii la, a ta laa a che Korowii ŋɔ o ɛ nɛndɛɛɡe o waa su o siwi la aa?

Jems 2:25

Gɛ tentenee a do hanjwamane baa dɛ yerɔ Rahab la ɡba nɛ. Israel tena toroma bane aa bala dɛ́ fe ba sɔh hweli o bwɛɛ harɛ waane dɛ́ ka taa ba bwɛɛ tena be la, o lɛɛ ba sɔh dɛ baɡ ba ŋwɛnɛfale ba chwa kaa. Gɛ wedɛɛɡa nɔ taa a che Korowii ŋɔ o ɡe ɛ nɛndɛɛɡe o waa su o siwi.

Jems 5:10

Yabala, hé nyiŋi Korowii keamere la baa cheɡɛ o sɔn ta dɛ bol waa baɡle nɛra la na, dɛ na ɡɛ baa na wa, kɛ dɛ won lawɛ bambile ba wahala ta la. Hé ɡe ɛ ɡɛ.

1 Pita 3:6

Dɛ ɡɛɛ Abraham haah Saara ɡe do. O pwɛr o te tɛ o jaa dɛ faa yerɔ o dɔɔ. He waa toɡrɔ, haa ɔmɛ ɡe aa, ate Saara biirii heya.