Yelsom 1:4 - mzwDBL

⁴ Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

Yelsom 1:4 ပူးပေါင်းရင်းမြစ်များ

Yela 111:4

O ɡelɔ yaa lii nyokpowaa waa ɛa, Korowii dɔ tedoma tɛ yaa dɛɛ na ya sum.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Yela 42:4

N lii n saŋ la aa, dɛ n bambile chɔɡɔ, n ne nɛnlaa bwa fa yon la hen Korowii Dea, ásɛ n tɔ ba sie ba teŋɛ, ba sie lɛ ba ɡo yela, dɛɛ hɛɡre dɛɛ kpɛɛre.

Yela 48:9

N Naa Korowii, he nyina aa wola jaɡa dɔe ɡbo waa lɔ ya nyu bini, yaa lii he Dea bela.

Yela 63:5

N sie ɛɛ lɛo kɛ maa di silɛɛ kondikonjena dɛ vaɡɛ ken, dɛ́ ɡo silɛɛ yela kpɛɛ he sɔn.

Yelsom 3:4

Maa dena ɡar ba n den na n sɛnodɛɛɡe la. N bamu ŋɔ maa ɡel ó kaa, ka tel kɛŋɔ maa ba o ne n nya dem, bela baa lol mɛ.

Yelsom 4:10

N hanfale ne n sɛnodɛɛɡe, na ɡɛ n sie aa lɛ he nyina haa dɛ nyin mɛ ta! He nyina dɔ pɛla kohona dɛ ɡwaa sen, asɛ he konsɔɔhsoma sɔɔh ɡwaa daawiile baa dɛ fuah sɔɔh.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Aesaya 63:7

Mɛɛ bol Korowii nyina aa wola jaɡa dɔe la waa. Mɛɛ kpɛɛro waa bwa waa ɛa tɛ yaa la wa. O nyina aa wola jaɡa dɔe ne tedoma waa dɔa nomanta, o swee andɛɛɡa tɛ ya Israel tena.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Hosia 11:4

Nyinaa n kpɔ laɡ ba ba n be, dɛ kpɔ ba chwaa. N laa koeh aa dawɛ ba nɛɛ la kpɔ, asɛ dɛ ba harɛ dɛ pa ba kondikwa.

Sefania 3:14

Israel tena, hé ɡo yela silɛɛ ne, dɛ́ kpɔ takpeɡ kpɛɛ Korowii. Jerusalam tena, hɛ́ɛ hɛɡre bambile bwa ne!

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 25:10

Gɛ saŋ bitoli ɡɛna la aa chiɡ ŋwɛnɛ ta kaa noo la yawa la taa hanfale jaa la ba. Wejerema la aa kpɔ ba te la, ba dɔ bɔr teŋɛ hanfale jaa la nɛɛ dɛ ka di hanfale kondikwaa la. Baa joa tonɛ la, dem te den laa ɡbera la tɔ.

Amanesoma Luk Aa Chwera Tɔn 2:10

Anee nyundua torome la ŋɔ ba be ŋɔ, “Hɛ́ɛ berɛ ɔma! Amanesoma aa dɛ ba silɛɛ ne bala ba tɛ nɛra bwa la nee n ba.

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Amanesoma Jɔn Aa Chwera Tɔn 12:32

Men, baa ɡɔɔ mɛ nyundua le harɛ nɔ ta. Ba baa ɡɔɔ mɛ naa, mɛɛ tɛr nɛra bwaa ba n be.”

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Ɛfesos 2:6

Korowiirii ir ya ne Yeesu Kristo bwa seo ta, asɛ pɛɛ ya ne waa pɛa la nomanta, o berɛ tɛ ya bwa soŋnibɔra o be nyundua.

Ɛfesos 6:24

dɛ́ sune he nɛ, dɛ́ cha he banɔ la bwa haa dɛ nyin ya Dɔɔ Yeesu Kristo bambile bwa ne aa wola jaɡa dɔe la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.