Yela 99:3 - mzwDBL

³ Nomɛlbwa ɛɛ kpɛɛ o sɔn waa kana dɛ dɔ jirima laanee, onee do ɡoroŋ kohona.

Yela 99:3 ပူးပေါင်းရင်းမြစ်များ

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Yela 100:4

Hé kpɔ silɛɛ ɡo yela jaamo, dɛ́ jo o Dea bini kpɛɛro. Hé jaamo dɛ́ kpɛɛ o sɔn la.

Yela 103:1

N dɛ kpɛɛ Korowii n bambile bwa ne! N kpɔ n bwadabii bwa dɛɛ kpɛɛ o sɔn waa do ɡoroŋ la!

Yela 111:9

O berɔ kwaa lɛ o nɛra, dɛ ɡel ba di ba nyu. O ne ba fɔwɛ fɔo waa do le saŋ bɛlbwa dɛɛ la. O sɔn do ɡoroŋ dɛ do ɔma kohona.

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 76:1

Nɛra baa lɔ Juda harɛ ta jemɛ Korowii, hale Israel harɛ ta tena dɛ́ bol ŋɔ Korowii sɔn kan.

Yela 76:12

O dɛ sɔɔh koranar bambikpeɡ nyoa, koranar baa lɔ harɛ nɔ ta bwa dɛ ɔmɔ.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Jeremia 20:11

Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.

Amanesoma Jɔn Aa Chwera Tɔn 17:11

N dɛ ba he be bela. Maa harɛ nɔ taa biɡri, kɛ ba te ɛɛ ka harɛ nɔ taa. Anomanta, n Mɛdɛɛɡe, kpɔ sɔn haa tɛ mɛ la kpeɡri tɔ ba nɛɛ kɛrɛdɛ ásɛ ba ɛ beŋkpoŋ ɡɛ n ne haa ɛ beŋkpoŋ la.

Mmarare 28:58

Dɛ he ta duure kpɔe tɛ Korowii kɛrɛdɛ, dɛ no waa bwa aa lɔ tɔn nɔ bini nɔ, dɛ ɔmɛ o jirima ne o sɔnjen la aa,

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.

Josua 24:19

Ate, Josua ŋɔ nɛra la be ŋɔ, “He ken aa won tomɛ Korowii, o do ɡoroŋ dɛɛ we bwara. Waa he kasinteŋ bɛ dɔe ne he wechɔɡaa kpɔ kɛ heya.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.