Yela 99:2 - mzwDBL

² Korowii kan dɛ do bwɛjen Saayɔn dɛɛ di kora harɛre nɛra bwa nɛ.

Yela 99:2 ပူးပေါင်းရင်းမြစ်များ

Yela 97:9

Nemenɛ Korowii, henee dɛɛ di kora harɛ nɔ nɛra bwa nɛ, henee kana ɡwaa voɡare bwa.

Aesaya 14:32

Webesoo yaa ba toroma baa le harɛ la ta ba la chaŋa ɔ? “Korowii kpɔ Saayɔn cheɡ, ásɛ o nɛra baa dɛ na wahala dɔ bɔr so dɛ́ dɔ ba nyu.”

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Yela 113:4

Korowii dɛ di kora harɛre nɛra bwa nɛ. Nɛra dɛ kpɛɛ o jirima waa dɔa nyundua.

Yela 66:7

O cheɡɛ o kpeɡri ta dɛɛ di kora saŋ bɛlbwa. O sie lɔ harɛ nɔ ta nɛra bwa nɛ, deŋnekpeɡ tena bɛ habɔɔ berɛ kpoo.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Yela 47:3

Onee ɡela ya yo harɛre nɛra, dɛ pɔ ba nɛ, ba ba do ya lɔɡa.

Yela 47:8

Korowii soɡe o kookara waa do ɡoroŋ ta, dɛɛ di kora harɛre nɛra bwa nɛ.