Yela 97:8 - mzwDBL

⁸ Bwɛjen Saayɔn tena noɔ ba sie lɛ, Juda bwɛjena tena ɡee hɛɡre, hen Korowii waa bola dɛ́ pa bole wa.

Yela 97:8 ပူးပေါင်းရင်းမြစ်များ

1 Webena 16:14

Onee Korowii yaa dɛ tomɛ, o bol harɛ nɔ ta nɛra waa dɛɛ pa bole.

Yela 48:11

Nɛra haa lɔ Saayɔn Bwejen doa, hé ɡel he sie lɛ. Juda harɛ bwɛjeɡre tena ɡe sie lɛ, kɛ haa dɛ pa bole aŋwɛnɛ ta.

Yela 48:12

Hé valɛ bar Saayɔn, dɛ́ kure o dejaŋa,

Yela 52:6

Nɛra ba wa aa toɡra la ɛɛ nao dɛ́ ɔmɛ, baa dɛɛ mamɛɛ ŋɔ,

Yela 58:10

Nɛra ba wa aa toɡra sie ɛɛ lɛo kɛŋɔ wechɔɡ-ɛɛra aa dɔ deŋnetɛra, baa valɛ ba chal taa.

Aesaya 51:3

Jerusalam berɛ dimɡbia, mɛɛ dɔ tedomaa tɛ o nɛra baa soɡe o ta. Mɛɛ ɡeloo o pua hɛŋle ɡbo harɛ le daa warɛ dɛ́ do wer, kɛŋɔ Eden bodɛɛɡe la. Silɛɛ ne hɛɡra ɛɛ do belaa, ásɛ ba ɡo kpɛɛra ne jam yela dɛɛ tɛ mɛ.

Aesaya 62:11

Korowii bol waa nɛra baa lɔ harɛ jaɡa bwa be ŋɔ, “Saayɔn tena, he na ɡɛ he Lɛɛ aa dɛ ba! O kpoŋe o kembɔr, o ne nɛra waa lɛɛ ba dɛɛ ba.”

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”