Yela 97:5 - mzwDBL

⁵ Bwejena dɛ mwɛɛ kɛŋɔ tohkel, Korowii waa dɛ di kora harɛ nɔ nɛra bwa nɛɛ la sie.

Yela 97:5 ပူးပေါင်းရင်းမြစ်များ

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Yela 47:2

Nemenɛ Korowiirii ɔma kohona, onee koojen waa dɛ nyiŋi harɛ nɔ bwa ta.

Habakuk 3:6

He iro che asɛ harɛ jiɡri, he ta sie nyiŋi harɛre nɛra aa, dɛ ba dɛ chel. Bwejena aa lole le saŋ la bwa kuuɡo, asɛ deŋɡarere a ɡe aa lole le saŋ la bwa ɡe bur. He te ŋwɛnɛre ta jaɡa dɔe.

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Josua 3:11

Hɛɛ nao kɛŋɔ sɔfore baa cheɡɛ Korowii waa dɔ harɛ nɔ bwa, O Ne Nɛwɛnyina Fɔo Daka la aa tɔ he sie dɛɛ ɡale Jɔɔdan Moo la.

1 Kɔrent 1:2

Korowiirii le heya, dɛ koh pɛɛ he ne Yeesu Kristo aa pɛa la waa dɛ laa doŋa bɛlbwa kpɔ he nɛɛ dɛ ɡel he ɛ o nɛra. Ya dɛ chwerɛ he ne nɛra baa lɔ bobɛlbwa dɛɛ tomɛ ya ne ba bwa Dɔɔ Yeesu Kristo la.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Amanesoma Mak Aa Chwera Tɔn 11:3

Ásɛ dɛ nomɛl bɔɔ heyaa ŋɔ bɔkwaa hɛɛ ba o ne ɛɛ yaa, hé ŋɔ he Dɔɔ dɛ nyinu dɛ́ ɛ waane, ásɛ dɛ berɛ kpɔ ba taraken.”

Yela 75:4

N dɛ ŋɔ mbarafo tena be ŋɔ, ‘Hé ɡel mbarafo ɛɛ’, dɛ ŋɔ nyubinikpeɡ tena ɡe be ŋɔ, ‘Hé ɡel mbarafo wobol bola.