Yela 96:4 - mzwDBL

⁴ Korowii kan, a chɛ kɛ ya kpɛɛro kohona. Onee chɛ kɛ ya kpɔ duure tɛ dɛ́ ɡwaa voɡa.

Yela 96:4 ပူးပေါင်းရင်းမြစ်များ

2 Webena 2:4

N dɛ ba Dea doe tɛ Korowii maa dɛ tomɔ, ásɛ baa tomɔ o bini. Wɛɛ do ɡoroŋee, ásɛ n ne n nɛra fuh daawiile a sɔɔh aa soma dɛɛ tomɔ bela, dɛ́ kpɔ paanoo baa lea cheɡ tɛ Korowii o do ɡoroŋ dɛɛ ba o sie tɔpere bɛlbwa, dɛɛ fuh saraha kwaa chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane Korowii yaa dɛ tomɔ aa lea cheɡ. Gɛ waa nɔ chɔ le tɛ Israel tena saŋ bɛlbwa dɛɛ la.

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Yela 145:3

N Naa Korowii, he kan dɛ chɛ kpɛɛra. He kan haa doa ɡwaa nɛwɛnyina liire ta.

Yela 150:2

Hé kpɛɛro o wejena waa ɛa wa. Hé kpɛɛro o kan waa doa kohona ɡwaa komɛlbwa wa.

Yela 18:3

N wio no hen Korowii waa chɛ kpɛɛra la, asɛ he lɛɛ mɛ le n dɔma nɔn ta.

Yela 48:1

Korowii yaa dɛ tomɔ kan, a chɛ kɛ yá kpɛɛro o bwɛjen waa chɔŋɛ bwejen waa do ɡoroŋ la ta.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 66:5

Hé ba, dɛ́ ba na waa Korowii aa ɛa, nyokpowe-ɛɛla waa koh nɛwɛnyina waa dɛ ɛ.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Yela 86:10

He kpeɡri dɛɛ ɛ nyokpowa, he ɡboo ɛ Korowii.

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

Yela 95:3

Dɛkalkɛ Korowii dɔ kpeɡri kohona, onee dɛɛ di kora voɡare bwa nɛ.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

1 Samoɛl 4:8

Ya bwɛɛlɛ! Umee dɛ́ lɛ yaa le voɡkpeɡa nɔ nɔn ta nɔ? Anee fa kpɔ weechɔɡa bwa soo siwi ta Ijipt tena nɛɛ pua hɛŋle ɡbo harɛ ta la.