Yela 96:3 - mzwDBL

³ Hé bol o jirima waa baɡle harɛre nɛra, dɛ́ bol o nyokpowe-ɛɛla waa baɡle nɛra bwa.

Yela 96:3 ပူးပေါင်းရင်းမြစ်များ

Yela 150:2

Hé kpɛɛro o wejena waa ɛa wa. Hé kpɛɛro o kan waa doa kohona ɡwaa komɛlbwa wa.

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Yela 57:9

N Naa Korowii, mɛɛ jaame harɛre nɛra bwa binii, mɛɛ ɡo yelaa kpɛɛre nɛnlaa baahnee.

Yela 9:2

He nomanta, mɛɛ ɡo silɛɛ yelaa, dɛ́ hɛɡre. Nemenɛ Korowii, mɛɛ kpɛɛ he sɔnee yela ne.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.